"Bir necha haftadan beri OAV men haqimda yozmoqda, ammo hech narsa demaslikka va ishlashda davom etishga qaror qildim. Biroq "Bolonya"ga qarshi bahsda sodir bo'lgan voqea haqida matbuotda yozilganlarga javob berishim kerak. Meni maydonga tushishni istamaydigan va murabbiy hamda jamoadoshlarini hurmat qilmaydigan futbolchi sifatida ko'rsatishlariga jim qarab tura olmayman.
O'sha bahsni zaxirada boshladim, ammo menga 5 daqiqa berishsa ham borimni berib o'ynashga tayyor edim. Lukas jarohat olganida maydonga tushishga tayyorgarlik ko'rishimni aytishdi. Men tezda mashg'ulotlarga kirishdim. Ikki yoki uch daqiqadan so'ng maydonga tushishga tayyor edim, ammo keyin zaxiraga qaytishim kerakligini aytishdi. Bu 23 va 26-daqiqalar orasida sodir bo'ldi.
O'rindiqqa qaytganimda murabbiy menga murojaat qildi va umuman kutilmagan so'zlarni aytdi. Men esa Gattuzo aytganini takrorladim. Bori shu. Keling aniqlashtirib olamiz: Men hech qachon mashg'ulot o'tkazishdan bosh tortmaganman. Hammasi videoda ko'rinib turibdi.
Men shunchaki jamoadoshlarimga yordam bermoqchi edim va buni bajarishda davom etaman. Olg'a, "Milan" - deb yozdi Bakayoko.
Eslatib o'tamiz, "Milan" - "Bolonya" uchrashuvidan so'ng Italiya matbuotida Gattuzo va Bakayoko o'rtasida sodir bo'lgan voqea haqida xabarlar paydo bo'ldi. Ularda aytilishicha, Bakayoko maydonga chiqishdan oldin shug'ullanishdan bosh tortgan. SHu sababli Gattuzo Temue o'rniga boshqa futbolchini tushirgan. Bundan tashqari Bakayoko bosh murabbiyni haqorat qilgan ekan.
Bosh sahifaga
252