"Lokomotiv" Abu Dabidagi "Al Nahyan" stadionida "Al Vahda" mehmoni bo'ladi. Uchrashuv mahalliy vaqt bilan 22:00 (Toshkent vaqti bilan 23:00)da boshlanadi.
Guruhdagi vaziyat
"Al Vahda" to'rtta o'yindan so'ng 9 ochko bilan peshqadamlik qilmoqda. "Lokomotiv" esa 4 ochko bilan uchinchi o'rinni egallab turibdi. Guruhdan chiqish uchun "Loko"da ham imkoniyat bor, biroq hammasi o'z qo'lida emas. "Temiryo'lchilar" o'tgan yil ham "Al Vahda" bilan bitta guruhga tushishgandi. O'tgan mavsum "Loko" har ikki uchrashuvda raqibini mag'lub etgan. Ayniqsa Abu Dabida 4:1 hisobidagi g'alaba jamoa uchun eng esda qolarli o'yinlardan biri bo'lgandi.
"Al Vahda"ga oid malumotlar:
- "Al Vahda" 1-turda mag'lubiyatga uchradi, biroq keyingi uchta uchrashuvni g'alaba bilan yakunladi. Bu jamoa Toshkentda 0:2 hisobida imkoniyatni boy bergandi. SHundan so'ng o'z uyida "Al Ittihod"ni 4:1 hisobida engdi va keyingi ikkita uchrashuvda "Al Rayan" ustidan safarda 2:1 va o'z maydonida 4:3 hisobida zafar quchdi.
- O'tgan turda jamoa hujumchisi Leonardo 4ta gol urib poker qayd etdi. SHunday qilib u OCHL tarixida bitta o'yinda to'rtta gol urgan 13-futbolchi bo'ldi.
- Ketma-ket uch o'yinda g'alaba qozongan "Al Vahda" 10ta gol urib o'z darvozasidan 5 bor to'p olib chiqdi. Bundan ko'rnib turibdiki, jamoaning hujum chizig'i joyida, ammo himoyasi zo'r emas.
- Bugungi o'yinni Sultan Al Gafri bilan Ahmad Rashid sariq kartochkalar sabab o'tkazib yuboradi.
- "Al Vahda" BAA chempionatining o'tgan turida g'alabaga erishdi. Jamoa safarda "Al Jazira"ni 3:1 hisobida mag'lub etib qaytdi.
"Lokomotiv"ga oid malumotlar:
- "Lokomotiv" bungacha "Al Vahda" bilan uch bor o'ynab uchalasida ham zafar quchgan. Uchta o'yinda to'plar nisbati 11-1. Ko'rinib turibdiki, "Al Vahda" "Loko" uchun qulay raqib.
- "Lokomotiv"ning negadir safarda ishlari yurishmayapti. Jamoa oxirgi 8ta sarafar o'yinidan 7tasida mag'lubiyatga uchradi. Jamoa oxirgi marta o'tgan yil aynan "Al Vahda"ni 4:1 hisobida mag'lub etgan.
- Bugungi bahsni "temiryo'lchilar" sardori Islom To'xtaxo'jaev diskvalifikaciya sabab o'tkazib yuboradi. CHunki u o'tgan o'yinning 75-daqiqasida qizil kartochka olgandi.
- "Lokomotiv" O'zbekiston Superligasining o'tgan turini o'z maydonida "Qo'qon-1912"ga qarshi o'tkazib 2:2 hisobini qayd etdi.
Bosh sahifaga
362