Kataloniya klubi Angliyada 0:4 hisobida taslim bo'ldi, biroq Dembele o'sha golni urganida...
"Barselona" hamda "Liverpul" o'rtasidagi "Kamp Nou"da bo'lgan bahsni yodga olamiz. Uchrashuvning 96-daqiqasi, "qizillar" 0:3 hisobida mag'lub bo'lyapti va to'pni burchakdan o'yinga kiritishmoqda. Pike bosh bilan to'pni Dembelega tashlab berdi.
Messi, Pike va Dembele katta tezlikda qarshi hujumga o'tishdi va maydonning narigi tomonigacha etib borishdi.
Darvozaga 12 metr qolganida Dembele ochiq turgan Messiga pas berdi.
Raqibning uch futbolchisi etiborini o'ziga qaratgan Leo to'pni Dembelega qaytaradi. Ajoyib vaziyat!
Usmon 13 metrlardan darvozaga zarba berdi, ammo zarba futbolchi kutgandek bo'lmadi va Alisson to'pni egallab oldi.
Kiper to'pni maydonga tashlashi bilan hakam o'yin yakunlanganini bildiruvchi xushtakni chaldi. Dembele aybdorligini bilib, atrofga qarayapti, maydonda yotgan Messi esa mamnun emas.
O'yindan keyin Leo shunday degandi: "Bahsdagi so'nggi vaziyat... Dembele gol urishi kerak edi. SHunda "Enfild"da osonroq bo'ladi. Ammo 3:0 ham ajoyib natija".
"Enfild" esa oxirigacha o'ynash kerakligini isbotlab berdi.
Bosh sahifaga
161