“Qo'qon-1912” futbol klubi azolari ham ushbu akciyada faol ishtirok etishni maqsad qildi. Jamoa rahbariyati Qo'qon shahrida istiqomat qiluvchi, ayni kunlarda saraton kasalligiga qarshi kurashayotgan Umarov Rahmatillo Kamoljon o'g'li yashayotgan, Qo'qon shahar Yangi CHorsu ko'chasidagi xonadonga tashrif buyurishdi.
Klub matbuot xizmatining malumot berishicha, 2005-yilning 19-avgustida tug'ilgan Rahmatilloning ham o'z tengqurlari kabi bir olam orzulari bor. U kelajakda futbolchi bo'lishni orzu qiladi hamda ushbu orzusini ro'yobga chiqarish uchun “Qo'qon-1912” futbol klubi qoshidagi futbol maktabida, murabbiy Narimon Asanov qo'l ostida mashg'ulotlarga qatnay boshlagan edi. 2017-yilning sentyabr oyida kutilmaganda uning avvaliga chap so'ngra esa o'ng qulog'i ostida shish paydo bo'ladi. SHifokorlar Rahmatilloga saraton tashxisini qo'yishadi. O'tgan salkam ikki yillik davrda Rahmatillo ota-onasi hamda qarindosh urug'lari yordamida Toshkentdagi respublika onkoligiya dispanserida hamda Buxorodagi onkologiya va radiologiya tibbiy markazida davolanish jarayonlarini boshidan o'tkazdi. SHifokorlar Rahmatilloni uzoq muddat davolanishi lozimligini takidlashmoqda.
“Qo'qon-1912” futbol klubi Umarov Rahmatilloni qo'llab-quvvatlaydi. Uning kelajakda sog'ayib, o'zi orzu qilgan futbolchi bo'lishi yo'lida qo'ldan kelgan barcha yordamlarini ko'rsatadi. Bugun jamoa rahbariyati Rahmatilloga futbol to'pi, sport kiyimlari hamda turli shirinliklar taqdim qilib uning murg'ak qalbida umid uchqunlarini paydo qilishga harakat qilishdi. Ertadan esa uning dadasi nomiga ochilgan plstik kartochkaga barcha futbolchilar hamda jamoa azolari nomidan pul mablag'lari kelib tushishni boshlaydi.
“Qo'qon-1912” futbol klubi rahbariyati barcha Qo'qonlik futbol ishqibozlarini ham Rahmatilloni qo'llab-quvvatlashga chorlaydi. Ayni kunda Umarov Rahmatilloning dadasi Hoshimov Kamol Umarovichning nomiga plastik kartochka ochilgan. Muborak ramazon oyida ehson qilmoqchi bo'lgan muxlislarimiz quyida keltirilgan raqamlar orqali o'zlarining pul mablag'larini Hoshimov Kamol Umarovichning plastik kartochkasiga o'tkazishlari mumkin bo'ladi.
Bosh sahifaga
183