SHahzodbek Nurmatov: "Raqobat menga yoqadi"

"O'tgan mavsum tugaganida "Bunyodkor"dan taklif bo'lgandi. Bundan xursand bo'ldim va ko'p ham o'ylab o'tirmay rozilik bildirdim. Mashg'ulotlar qiyin bo'lsa ham o'ziga xos ishtiyoq bilan ishlay boshladim. Birinchi o'rtoqlik uchrashuvidayoq gol urishga muvaffaq bo'ldim. Dubaydagi yig'in doirasida ham 2ta to'p kiritdim. Bir so'z bilan aytganda jamoada tezda kirishib ketdim".

"9 fevral kuni "Al SHabab"ga qarshi muhim o'yin kutib turibdi. Uchrashuv o'z maydonimizda bo'lib o'tadi, uyda devorlar ham yordam beradi. Muxlislar kelib qo'llab turishsa albatta g'alaba qozonamiz".

"Raqobat menga yoqadi. Agar raqobat bo'lmasa futbolchi o'sishdan to'xtaydi, o'z ustida ishlamay qo'yadi. Har kun mashg'ulotda tinmay ishlab asosiy tarkibga loyiqligimni ko'rsataman".

"Metallurg" jamoasida 4 yil o'ynadim. Klubga katta rahmat aytaman, qadrdon jamoaga doim omad tilayman", - deydi SHahzodbek Nurmatov.

Narzulla Saydullaev suhbatlashdi