Kecha klub rasmiy sayti sobiq futbolchisi sanalgan David Vagner bilan kelishuvga erishilgani haqida malumot berdi. Unga ko'ra, David Vagner 1 iyuldan ishga kirishadi va jamoani yangi mavsumga tayyorlaydi. "SHalke" va Vagner o'rtasidagi bitim 2023 yilga qadar mo'ljallangan.
Joriy mavsumni juda yomon o'tkazayotgan va Bundesligaga 2 tur qolganida elitada rasman jonini saqlab qolgan "SHalke"ni mavsum yakuniga qadar Xuub Stevens boshqarib turadi. Bahorda esa klub rahbariyati jamoa bilan muvaffaqiyatsiz mavsumni o'tkazgan Domeniko Tedeskoni istefo chiqargandi.
Eslatib o'tamiz, Vagner bunga qadar Dortmundning "Borussiya" klubining ikkinchi jamoasi va APL vakili "Xaddersfild"ni boshqargan. Etiborli tarafi, aynan Vagner jamoani APLga olib chiqishni uddalagandi.
Qayd etish kerakki, David Vagnerni o'z vaqtida Dortmundning "Borussiya" klubini ikkinchi jamoasini boshqarishga Yurgen Klopp chaqirgan va ishonch bildirgandi. Klopp "Borussiya"dan ketgach David Vagner ham jamoani tark etgan va Angliyadan qo'nim topgandi. David Vagner Yurgen Kloppning nikoh to'yida kuyovjo'ra bo'lganligi bilan Germaniyada mashhur shaxs sanaladi.
Yangi mavsumdan etiboran Yurgen Kloppning yoqimtoy mutaxassisi David Vagner malum tanaffusdan so'ng Germaniyaga qaytadi.
Bosh sahifaga
398