Mazkur bahsda peshqadam "Paxtakor" o'z uyida chempionlik uchun kurashayotgan jamoalarni taqib qilayotgan uchinchi o'rindagi "Navbahor"ni mehmon qiladi.
 Paxtakor | Superliga. 8-tur 11/05/2019, 19:45 - : - Boshlanmadi |  Navbahor |
Qayd etish kerakki, joriy mavsumda "Navbahor" biroz bo'sh start oldi. "Paxtakor" esa aksincha, mavsum startini ancha ishonchli va katta ishtiyoq bilan boshladi. Lekin uchinchi turdan keyin uyg'ongan namanganliklar mana qatorasiga 4 o'yindirki mag'lubiyat nimalagini bilmay kelishmoqda. "Paxtakor" esa yangi mavsumda umumiy hisobda atigi bir marotaba OCHL doirasidagi bahsda taslim etildi. CHempionatda esa hozircha mag'lub bo'lmagan yagona jamoa sifatida qolmoqda. "Navbahor" esa katta ehtimol chempionatda "Paxtakor"ni ranjitgan ilk jamoaga aylanishga urinib ko'radi. Har holda Andrey Kanchelskis chempionlik poygasi hali uzoq davom etishini takidlab, "Paxtakor" aynan ular bilan o'yinda qayta sinovdan o'tishini takidlagandi.
"Paxtakor" joriy mavsumda umumiy hisobda 14 o'yinni o'tkazishga ulgurdi. "Navbahor" esa hozircha bugungi raqibi o'tkazgan uchrashuvlarning teng yarmida, yani 7 bahsda maydonga tushgan. SHu jihatning o'ziyoq ayni paytda "Paxtakor" "Navbahor"ga nisbatan jismoniy taraflama ikki hissa ko'proq yuklamalarni qabul qilganini ko'rsatib turibdi. Yani, "Navbahor" bugungi bahsda raqibiga nisbatan ancha tetikroq holatda. Mazkur ustunlikdan Kanchelskis jamoasi qay darajada naf chiqara oladi yoki yo'q, buni vaqt ko'rsatadi.
"Paxtakor" safidagi yo'qotishlarga etibor qaratadigan bo'lsak, bugungi bahsda Sadriddin Abdullaev, Javohir Sidiqov kabi futbolchilar jarohatlari bois jamoaga yordam bera olishmaydi. SHuningdek, SHota Arveladze bugungi bahsda bazi asosiy tarkib futbolchilariga hordiq chiqarib olish imkoniyatiga tug'dirgan holda rotaciyaga qo'l urishi mumkin. Taqvimdagi zichlik va qator futbolchilar uzluksiz o'yin o'tkazishayotganligi tufayli OCHLdagi muhim uchrashuv oldidan Arveladze zaxirada qolib ketayotgan bazi futbolchilarga o'ynash imkoniyatini taqdim etish ehtimoli yuqori.
"Navbahor" tarkibida esa yo'qotishlar yo'q. Jarohati tufayli malum vaqt safdan chiqqan Igor Golban o'tgan turda zaxiradan maydonga tushirildi va muhim bahs oldidan o'yin amaliyotiga ega bo'ldi. Aytish kerakki, Golbanning "Paxtakor"ga qarshi bahs oldidan safga qaytgani jamoa uchun ayni muddao bo'ldi. Aynan Igor Golban "Navbahor" jamoasining mudofaa chizig'ining haqiqiy etakchisi sanaladi.
"Paxtakor" - "Navbahor" to'qnashuvi shuningdek chempionat to'purarlari o'rtasidagi duelni ham taqdim etadi. "Paxtakor"ning serbiyalik legioneri Dragan CHeran va "Navbahor"ning rossiyalik hujumchisi Aleksandr Kasyan hisobida 6tadan gol mavjud va ular Temurxo'ja Abduxoliqov va Zafar Polvonov singari to'purarlik poygasida peshqadamlik qilishmoqda. Bugungi to'qnashuvda peshqadam to'purarlarning o'zaro qarama-qarshiligida qaysi hujumchi yana o'z nomini tabloga yozdirib qo'ya oladi? Mazkur duel ham muxlislarga katta qiziqish uyg'otishi tabiiy.
Qayd etish kerakki, mazkur o'yin SHota Arveladze qo'l ostidagi "Paxtakor"ning 67-o'yiniga aylanadi. "Paxtakor" gruziyalik mutaxassis qo'l ostida o'tkazilgan 66 uchrashuvning 44tasida g'alaba qozongan, 12 durang va 10 mag'lubiyat qayd etilgan. To'plar nisbati: 120-49. Bugungi ehtimoliy g'alaba SHota Arveladze boshqaruvidagi "Paxtakor"ning 45-g'alabasiga aylanishi mumkin.
Andrey Kanchelskis esa hozirgacha "Navbahor" rulida 14 o'yinda ishlashga ulgurdi. Rossiyalik mutaxassis qo'l ostida namanganliklar 6 g'alabaga erishishdi, 3 durang va 5 mag'lubiyat qayd etilgan. To'plar nisbati: 16-14.
Kanchelskis hozircha 2 marotaba "Buxoro"ni engdi va shuningdek bir martadan "Nasaf", "So'g'diyona", "Surxon" va "Bunyodkor" ustidan g'alaba qozondi. "Lokomotiv"dan esa doim mag'lubiyatga uchrab kelmoqda. Hozircha o'tkazilgan barcha uchala bahsda ham Kanchelskis boshqaruvida "Navbahor" "temiryo'lchilar"ga mag'lub bo'lishgan. SHuningdek, "Metallurg" va "Bunyodkor" ham Kanchelskisning "Navbahor"ini yutgan jamoalar qatorida. Durang esa "Qo'qon-1912", "Dinamo" va "Paxtakor" bilan qayd etilgan.
SHota Arveladze va Andrey Kanchelskisning O'zbekiston chempionatidagi hozircha yagona bo'lib turgan to'qnashuvida g'olib nomi aniqlanmagandi.
Fakt: O'tgan mavsumdagi ushbu jamoalarning Toshkentdagi ikkinchi uchrashuvida nursiz durang qayd etilgan va "Navbahor" "Paxtakor"dan ochko olishni uddalagan.
Turnir jadvalidagi holatdan kelib chiqsak, "Paxtakor"ning ehtimoliy g'alabasi "Navbahor"ni chempionlik kurashidagi imkoniyatlarini keskin pasaytirib yuborishi mumkin. CHunki ochkolar o'rtasidagi farq 10taga etadi. Aksincha, agarda "Navbahor" g'alabani tantana qilsa, unda chempionlik uchun kurash yanada qiziydi va "Loko" hamda "Paxtakor" poygasiga "Navbahor" chinakamiga qo'shiladi. O'rtadagi farq esa 4taga qisqaradi. Durang esa hozirgi muvozanatni saqlaydi va bu ko'proq "Loko" foydasiga xizmat qiladi.
Bosh sahifaga
148