Deyan Boljevich "Nasaf" safida debyut o'yinida gol urdi

Dubaydagi “Jebel Ali” mehmonxonasiga qarashli futbol maydonida o'tkazilgan bahsning birinchi bo'limida hisob ochilmadi. Ikkinchi bo'limning 64-daqiqasiga kelib vakillarimiz hisobni ochishdi. Jamoamiz tarkibida ko'rikdan o'tayotgan chernogoriyalik himoyachi Deyan Boljevich o'ng qanotdan SHuhrat Muhammadiev uzatib bergan to'pni chap oyoqda kuchli zarbasi bilan darvozaning uzoq pastki burchagiga aniq yo'lladi – 1:0. Oradan ikki daqiqa o'tib o'yinda hisob tenglashdi. Xitoylik futbolchilar o'ng qanotdan tashkil etgan hujumni samarali yakunlashdi. O'yin oxiriga qadar vakillarimiz bir necha bor raqib darvozasi oldida xavfli hujumlarni tashkil etishdi. Ammo hal qiluvchi zarbalar mo'ljalga aniq etib bormadi.

“Nasaf” futbolchilari yig'in doirasida uchinchi nazorat bahsini 5 fevral sanasida Rossiyaning “Krilya Sovetov” jamoasiga qarshi o'tkazadi.