Bugun qiyin uchrashuv o'tkazdik. O'tgan turda “Oqtepa”ga yutqazgandik, shu sabab bugun g'alaba qozonish uchun astoydil harakat qildik. Jamoamiz futbolchilarini ruhiy bosimga tayyorgarligini oshirishimiz kerak, ular o'z imkoniyatlari darajasida o'yin namoyish etishlari uchun bu juda zarur jihat. Yana takrorlayapman, ilgarigi “Neftchi” faqat g'alaba uchun maydonga chiqar edi. Hozirgi “Neftchi” futbolchilarida ham mana shunday xarakterni shakllantirishimiz kerak.
A PRO-Ligada darajasi yuqori bo'lgan jamoalar ishtirok etishadi, lekin baribir Superligadan anchagina farq qiladi. Hozirgi futbolchilarimizning ko'pchiligi Superligada yoshlar birinchiligida ishtirok etishgan, shuningdek tarkibimiz deyarli yangilangan.
Xamidullo Abduhamidov? Uning jarohati bor edi, shu sabab bugungi o'yin qaydnomasiga kiritmadik. Tajribali futbolchilarimiz haqida? Ularning jamoamizda o'z o'rinlari bor, tajriba har doim asqotgan va doim shunday bo'lib qoladi, hali oldimizda o'yinlar ko'p.
Igor Taran? Uning o'zi yonimizga kelib, qo'yib yuborishimizni so'radi. Biz unga jamoamizga kerakligini, tajribasi yordam berishini aytdik. Lekin shunday bo'lishi kerak ekan, hozir Igor Taran jamoamizda emas, u bilan shartnomani bekor qildik.
Bekzod Tolibov yozib oldi.
Bosh sahifaga
1341