ANDIJON — PAXTAKOR
O'z maydonida umuman yutqazmagan va safarda umuman mag'lub bo'lmagan klublar o'rtasidagi to'qnashuv.
"Burgutlar" uchta turdan buyon g'alaba qozona olishmayapti (2 durang va 1 mag'lubiyat). "Paxtakor" hamon esa bu mavsum mag'lub bo'lmagan yagona klub bo'lib qolmoqda.
"SHerlar" oxirgi 4ta uchrashuvning barchasida 2tadan gol urishga erishdi.
"Paxtakor" vakili Dragan CHeran 8ta o'yinda 8ta gol urdi. "Andijon" klubi esa jami 7ta to'p kiritdi.
"Andijon" bu mavsum eng ko'p durang o'ynagan (4ta) klub bo'lib turibdi.
Bu jamoalar O'zbekiston chempionatlari tarixida jami 46 marta to'qnash kelishgan. Katta ustunlik "sherlar" tomonida. Toshkent klubi 34ta g'alabaga erishgan. 8 marta durang qayd etilgan va atigi 4 marta "Andijon" bu jamoani mag'lub eta olgan. Etiborlisi to'rtta g'alaba ham Andijondagi bahslarda qo'lga kiritilgan.
"Paxtakor"ga tegishli bo'lgan Dilshod Rahmatullaev ayni paytda "Andijon"da ijarada o'ynamoqda.
Andijondagi "Sog'lom avlod" stadionida yoritkich tizimi FIFA talablariga to'la javob berishi uchun tamirlash ishlari olib borilmoqda. SHu munosabat bilan, bugungi o'yin Farg'onadagi "Istiqlol" stadionida o'tkaziladi.
 Andijon | Superliga. 9-tur 16/05/2019, 18:30 - : - Boshlanmadi |  Paxtakor |
Bosh sahifaga
159