Klub kuni kecha navbatdagi muvaffaqiyatli loyiha sifatida "Red Metal AG Amalco Group Company" bilan titul homiyligi borasida shartnoma imzoladi.
Bu haqda klub rasmiy sayti malumot tarqatdi.
Qayd etish kerakki, payshanba kuni "Paxtakor" FK bosh direktori Dmitriy Adisman "Red Metal AG Amalco Group Company" vakili Vasa Radjenovich bilan uchrashdi. Mazkur uchrashuv chog'ida tomonlar klubni rivojlantirish borasida rejalarni muhokama qilishib, kelishuvni rasmiylashtirishdi. SHu tariqa titul homiydan olinadigan pul klub tuzilmasini o'stirish va futbol akademiyasi faoliyatini rivojlantirishga sarflanadi.
Klub rasmiy saytida titul homiy sanalgan "Red Metal AG Amalco Group Company"dan "Paxtakor"ga qancha mablag' ajratilishi qayd etilmagan.
"Paxtakor"ga "Red Metal AG Amalco Group Company" qiziqish bildirishi va yakunda shartnoma imzolangani zamirida jamoaning joriy mavsum xalqaro musobaqa va ichki chempionatda muvaffaqiyatli start olganini qayd etish mumkin.
Bosh sahifaga
335