Jumladan, poytaxtda joylashgan "Milliy" stadionning chimini yangilash ishlari olib borildi. O'FA buyurtmasiga asosan Turkiyaning "Iren"kompaniyasi tomonidan stadion chimi zamonaviy talabga javob beradigan darajaga olib kelindi.
Bugun O'zbekiston yoshlar terma jamoasi hamda Pro-liganing "Rubin" klubi o'rtasidagi o'yin orqali maysaning birinchi testi o'tkazildi. 10 kundan so'ng ikkinchi sinov amalga oshiriladi.
Xabaringiz bor, iyun oyida O'zbekiston milliy terma jamoasi KXDR va Suriya terma jamoalariga qarshi o'rtoqlik o'yinlari o'tkazadi. Mazkur o'yinlar "Milliy" stadionda o'tkazilishi rejalashtirilgan. SHu sababdan ham maydon maysasini sinovdan o'tkazish jarayonida milliy terma jamoa bosh murabbiyi Ektor Kuper, shuningdek, Olimpiya termasi ustozi Lyubinko Drulovich hamda O'FA mutasaddilari ishtirok etishdi.
"Milliy" stadionning avvalgi chimi talabga javob bermagani tufayli to'laligicha ko'chirib tashlangandi.
Bosh sahifaga
190
