"Nasaf" o'z maydonida "Qo'qon-1912"ni qabul qiladi. Mazkur uchrashuv 20:00da boshlanadi. Aslida bu o'yin Qo'qonda bo'lib o'tishi lozim edi, biroq "Qo'qon-1912" stadioni mavsumga hamon tayyor bo'lmagani bois bahs Qarshiga ko'chirildi.
Quyida mazkur bellashuvga oid bazi malumotlarni keltirib o'tamiz.
"Nasaf"
- "Nasaf" turnir jadvalida 11 ochko bilan 8-o'rinda boryapti. Jamoa uchtadan o'yinda g'alaba va mag'lubiyat qayd etgan. SHuningdek, ikki bor durangga erishdi. To'plar nisbati 12-9.
- "Nasaf" o'z maydonida ochko yig'ish bo'yicha 7-o'rinda boryapti. "Ajdarlar" uydagi to'rtta o'yinda 7 ochko to'plashgan.
- "Nasaf" ketma-ket uchta mag'lubiyatdan so'ng oxirgi uch o'yinda ijobiy natija qayd etdi. Jamoa ikki bor zafar quchib, bir marta durang o'ynadi.
- "Nasaf" o'z maydonidagi oxirgi o'yinida g'alaba qozona olmadi. Jamoa "Qizilqum" bilan 1:1 hisobini qayd etdi.
"Qo'qon-1912"
- "Qo'qon-1912" hamon quyi o'rinlarda boryapti. Jamoa 8ta o'yinda zo'rg'a 6 ochko to'plagan. To'plar nisbati 8-18.
- "Qo'qon-1912" Superliga klublar orasida eng ko'p gol o'tkazgan jamoa bo'lib turibdi.
- "Qo'qon-1912" safarda ochko yig'ish bo'yicha 4-o'rinda, biroq eng ko'p gol o'tkazgan -15ta.
- Qo'qonliklar qatorasiga uchta o'yindan beri zafar qucha olishmayapti. Bu jamoa ketma-ket to'rtta o'yinni safarda o'tkazdi va bugun beshinchisi ham shunday bo'ladi.
- "Qo'qon-1912" yagona g'alabasini safarda qo'lga kiritgan. Bu jamoa "Qizilqum"ni 1:0 hisobida engib qaytgan.
Oxirgi 5 uchrashuv
2018 yil. "Nasaf" - "Qo'qon-1912" 1:1
2018 yil. "Nasaf" - "Qo'qon-1912" 1:0
2017 yil. "Nasaf" - "Qo'qon-1912" 3:0
2016 yil. "Nasaf" - "Qo'qon-1912" 1:0
2015 yil. "Nasaf" - "Qo'qon-1912" 3:0
Qarshida bo'lib o'tgan oxirgi beshta o'yinning to'rttasida "Nasaf" g'alaba qozongan. Va "Nasaf" g'alabaga erishgan o'yinlarda jamoa gol o'tkazmagan. Faqat oxirgi uchrashuv 1:1 hisobida yakun topgan.
Bosh sahifaga
294