Rustam Ashurmatov: "Al SHabab"ga qarshi o'yin juda muhim"

"Yangi mavsumga reja bo'yicha yaxshi tayyorgarlik ko'rdik. Dubayda kuchli raqiblarga qarshi o'rtoqlik uchrashuvlari orqali muhim bahsga hozirlandik. Bungacha faqat o'z o'yinimizni yaxshilash ustida ishladik. "Al SHabab" haqidagi batafsil malumotlarni murabbiylarimiz bizga taqdim etishadi. 9 fevraldagi o'yin juda muhim. Raqibni o'rganish jarayoni ham boshlandi. Tarkibga kelgan barcha yangi futbolchilar jamoa uchun foyda keltirish haqida o'ylamoqda. Aleksandr Alempievich tajribali futbolchi ekani ko'rinib turibdi, tayanch yarim himoyachisi o'rnida o'ynaydigan serbiyalik futbolchi bilan tez chiqishib ketdik. Javlon Mirabdullaev bilan yoshlikdan tanishman. SHu bois o'zaro tushunish borasida hech qanday muammo bo'lmaydi", - deydi Rustam Ashurmatov.

- Baxtiyor Ashurmatov "Andijon"da ish boshladi. Bugun bu jamoaga qarshi o'ynadinglar...
- Tog'amga yangi ish joyida faqat omad tilayman. Ular uchun ham qayg'uraman albatta. "Andijon" jamoasi yuqori o'rinlarga kurashadigan jamoa bo'lishini tilab qolaman.