Islom Ismoilov - "Maqsadim "Turon"ni Superliga darajasiga olib chiqish"

- "Turon" klubiga kim taklif bilan chiqdi?
- "Turon" klubining prezidenti Abduvahob aka bosh murabbiylikka taklif qildi. Men bu taklifni qabul qildim.

- Klubdagi sharoitlar?
- Klubdagi sharoitlar juda ham yaxshi tashkillashtirilgan. Klub professionallik sari intilmoqda. SHu kungacha Bahrom Hakimov ham shu darajaga kelishi uchun ancha harakat qilganligi ko'rinib turibdi. Klub homiylarga ega, futbolchilar ham moliyaviy muammolar yo'q. Baza va boshqa hamma sharoitlar etarli. Klub bugungi kunda "B" Pro liga jamoalari o'rtasidagi eng yaxshi stadionga ega.

- Futbolchilar sizning qarashingizga to'g'ri keladimi? Yoki yozgi tanaffusda yangi o'yinchilar olib kelish niyatingiz bormi?
- Albatta hamma murabbiyning o'z qarashlari o'z uslubi bo'ladi. Bahrom Hakimov ko'p futbolchilarni o'z uslubiga qarab chaqirgan bo'lishi mumkin. O'zgarishlar bo'ladi albatta, bir ikkita chiziqlarni kuchaytirish niyatim bor. Jamoada yaxshi tajribali futbolchilar jamlangan. Hozirgi jamoadagi bollar ham saviyasi va mahorati bilan Superliga jamoalari futbolchilari bilan raqobatlasha oladi. Ulardan ko'nglim to'q.

- "Turon" klubi muxlislariga tilaklaringiz va kelajakdagi rejalar...
- Kelajakdagi rejalar haqida gapirgan bo'lsam, xudo xohlasa klub rahbariyati bilan gaplashdim, klub akademiyasini tashkil qilamiz. Klubning eng oldi maqsadlaridan bittasi bu yil "B" Pro liga bahslarida birinchi o'rinni egallab "A" Pro ligaga yo'llanma olish. Xudo xohlasa vaqti kelib "Turon" klubini Superliga darajasiga olib chiqish. Muxlislarga tilagim bundan buyog'iga biz bilan birga jamoani 12-o'yinchisi bo'lib bizni qo'llab-quvvatlashlarini tilab qolaman.

Abdulaziz Abduvohidov suhbatlashdi.