O'zbekiston vice-chempioni Toshkentning "Paxtakor" klubi Saudiya Arabistonida "Al Ahli" klubi mehmoni bo'ladi. Uchrashuv Toshkent vaqti bilan soat 23:55da boshlanadi.
Bu o'yin keyingi bosqich yo'llanmasi uchun kechadi. Yani bu guruhda Qatarning "Al Sadd" klubi 10 ochko to'plab muddatdan avval yo'llanmaga ega chiqqan. Ikkinchi yo'llanma taqdiri esa aynan mana shu o'yinda hal bo'ladi. "Paxtakor"ga keyingi bosqichga chiqishi uchun g'alaba yoki durang etarli bo'ladi. "Al Ahli"ni esa faqat g'alaba qoniqtiradi xolos.
So'nggi tur oldidan «D» guruhidagi holat quyidagicha:
"Al Ahli" haqida
1937 yil Saudiya Arabistonining Jidda shahrida tashkil etilgan klub uy o'yinlarini "Qirol Abdulloh sports siti" stadionida o'tkazadi. Stadion sig'imi 62000 muxlislga mo'ljallangan. Jamoa ushbu mavsum Saudiya Arabistoni chempionatida 4-o'rinni egalladi.
"Ahli" hozirga qadar Saudiya Arabistoni chempionatida 4 marta chempionlikni qo'lga kiritgan. Oxirgi bor bu 2016 yilda ro'y bergan. Qirol Kubogida esa 13 bor g'olib chiqqan. SHuningdek, Superkubokda bir marta g'alaba qozongan. 1986 va 2012 yillarda Osiyo CHempionlar Ligasida final uchrashuvlarida maydonga tushib, har ikkisida mag'lubiyatga uchragan.
"Ahli"ning CHempionlar Ligasi uchun ro'yxatdan o'tkazgan futbolchilari bilan tanishing.
Darvozabonlar
1. Yossir Musaylim
33. Muhammad Alovays
66. Bosim Solih
Himoyachilar
2. Said Muvallad
3. Muhammad Fatil
17. Paulo Diaz (CHili)
20. Ali Zubaydi
23. Abdulloh Hassun
24. Hussayn Sulaymoni
25. Motaz Havsavi
27. Muhammad Zubaydi
30. Hani Ismoil
32. Faysal Muhammad
37. Abdulbosit Hindi
75. Aderlan Santos (Braziliya)
Yarim himoyachilar
7. Salman Muvashar
8. Taysir Jassim
10. Abdulfattoh Asiri
11. Hussayn Moqahvi
15. Abdulaziz SHahrani
16. Nuh Musa
28. Ayman SHafiq
35. Yusuf Harbi
40. Yahyo Qarni
49. Feras G'amdi
77. Omar Zayni
Hujumchilar
9. Omar Soma
14. Muhannad Asiri
21. Jorje Janini (Kapo Verde)
29. Abdulrahmon G'arib
Saudiya Arabistoni klublari bilan bellashuvlar tarixi
"Paxtakor" ushbu jamoaga qarshi 2005 yil CHempionlar Ligasi guruh bosqichida to'qnash kelgan. Jiddada mezbonlar 3:0 hisobida zafar quchishgan bo'lsa, Toshkentda 20 aprel sanasida o'tgan uchrashuvda Leonid Koshelev va Anvar Solievning gollari evaziga 2:1 hisobida "SHerlar" g'alaba qozonishgan. Joriy mavsum Toshkentda Marat Bikmaevning yagona goli "sherlar"ga g'alaba keltirgan.
Saudiya Arabistoni klublariga qarshi Osiyo klublar musobaqalarida "Paxtakor" 24 bahsda maydonga tushgan. Ularda 4 g'alaba, 5 durang va 15 mag'lubiyat kuzatilgan. Raqiblar darvozalari 17 bor ishg'ol qilinib, 48 marta to'p o'tkazib yuborilgan.
Saudiya Arabistoni klublariga qarshi qayd etilgan natijalar bilan tanishing:
Al Ahli - 2:1, 0:3, 1:0
Al Ittifoq - 2:1, 1:0, 0:2
Al Ittihod - 0:3, 0:1, 1:1, 0:4, 0:4, 1:2
Al Nasr - 2:2, 0:4
Al Hilol - 0:2, 0:2, 1:1, 0:2, 2:2, 0:4
Al SHabab - 1:3, 1:2, 2:2, 0:2
 Al Ahli | AFC Champions League Grp. D . 6-tur 21/05/2019, 00:00 - : - Boshlanmadi |  Pakhtakor Tashkent |
Bosh sahifaga
665