- Bugungi uchrashuv ikki jamoa uchun ham juda qiyin o'tdi. Sababi “Dinamo” ham, biz ham faqat g'alabani ko'zlagan edik. Fikrimcha, o'yin davomida bizda ko'proq golli vaziyatlar yuzaga kelgan edi, ammo golli vaziyatlardan unumli foydalana olmadik. O'yin uchun yigitlarimizga rahmat deyman. Sababi ikki jamoa ham gol urilmagan bo'lsa-da, muxlislarga yoqadigan o'yin ko'rsatib berishdi. Endi keyingi uchrashuvga jiddiy tayyorgarlik ko'rib, faqat g'alaba qozonishga intilamiz.
- Baxtiyor Ashurmatov jamoani tark etganidan so'ng, jamoani qabul qilib oldingiz. Superligadagi debyut o'yiningiz borasida nima deya olasiz?
- Baxtiyor Ashurmatovdan keyin jamoani qabul qilib olish qiyin bo'lmadi. Yigitlar mashg'ulotlarda bor kuch va imkoniyatlarini ishga solib, yaxshi ishlashdi. Butun jamoa bir oilaga aylanib, faqat g'alaba uchun intilayapmiz.
- Bugun hisob ochilmagan bo'lsa-da, ikki jamoada ham golli vaziyatlar talaygina bo'ldi. Sizningcha, jamoa bir ochko qo'lga kiritdimi yoki ikki ochko yo'qotdimi?
- Fikrimcha, ikki ochko yo'qotdik. Sababi qator golli vaziyatlarni golga aylantira olmadik. Bugun omad bizga kulib boqmadi. Yigitlar o'yinidan qoniqdim. Ular bor kuch va imkoniyatlarini ishga solishdi.
Usmon Ibodov yozib oldi.
Bosh sahifaga
209
