Bu haqda O'FA Matbuot xizmati malumot berdi.
Yig'ilish davomida so'nggi paytlarda O'zbekiston futbol associaciyasi tomonidan mamlakatimizdagi hakamlar saviyasini oshirish, yosh hakamlarni tayyorlash borasida ko'plab chora-tadbirlar amalga oshirilayotgani takidlandi. SHunga qaramay, hakamlar tomonidan qabul qilinayotgan bazi qarorlar borasida ko'plab bahsu munozaralar yuzaga kelayotgani, bu bahsu munozaralar natijasida hakamlarga nisbatan noto'g'ri fikr shakllanib qolayotgani takidlandi. Ataylab qo'pol xatolarga yo'l qo'yadigan, turli qing'ir ishlarga aralashib yuradigan hakamlar qatiy jazolanishi yana bir bor ogohlantirildi.
SHu bilan birga hakamlar bazan insoniylik omili tufayli xatolarga yo'l qo'yishlari kuzatilayotgani aytib o'tildi. Bunday holatlarda klublar bosh murabbiylari o'yin paytida o'z hissiyotlarini jilovlab, hakamlarga nisbatan haqoratomuz iboralarni ishlatishdan tiyilishlari kerakligi takidlandi. O'FA ekspertlar guruhi tomonidan har bir hakamning harakatlari kuzatib, tahlil qilib boriladi. O'yin natijasiga tasir etuvchi qo'pol xatolarga yo'l qo'yganlar tegishli tartibda jazolanadi. SHu bilan birga bazi qarorlar o'yin vaqtida muxlislarga shubhali tuyulsa-da, mutaxassislar guruhi tomonidan o'rganib chiqilganidan keyin o'sha vaziyatda hakamlar to'g'ri qaror qabul qilgani oydinlashgan vaziyatlar ham bo'layotgani tilga olindi.
SHulardan kelib chiqib, klublar bosh murabbiylari va mutasaddilari doimo O'FA va PFL rahbariyati bilan o'zaro aloqada bo'lib, xato va kamchiliklarni birgalikda bartaraf etib borish taklif qilindi.
Bosh sahifaga
173