Amin Ali Husayin: "Ertaga Yaman xalqi uchun maydonga tushamiz"

"Barchangiz Yamandagi siyosiy ahvolni bilasizlar. 5-6 oydan buyon mahalliy ligamiz o'yinlari o'tkazilmayapti. Bu narsa terma jamoaga ham salbiy tasir qilishi tabiiy. Bir qator etakchi futbolchilarimiz turli sabablar bilan Toshkentga kela olishmadi. Ertaga O'zbekiston terma jamoada g'alaba uchun o'ynaydi. Buni juda yaxshi tushunib turibmiz. O'zbekiston Osiyoning kuchli jamoalaridan biri", - deydi bosh murabbiy.

"O'zbekistonga qarshi tayyorgarligimiz qisqa bo'ldi, bunga sabab Yamandagi vaziyat. Ammo biz borimizni berib tayyorlandik va ertaga o'yinda ijobiy natijaga umid qilamiz", - deydi Muhammad Ibrohim.

- Ayni paytda Yamanda milliy chempionat to'xtatilgan ekan. Ummonga qarshi o'rtoqlik o'yiniga qadar futbolchilar nima bilan shug'ullanishdi. Umuman futbolchilarning ruhiy holati qanday?

- Yamanda 5 oydan buyon umuman futbol o'ynamadik. Ummonga qarshi o'yin bizga juda zarur edi. Xattoki reyslar ham bekor qilingan edi. Ummonga qarshi o'yin o'tkazish uchun 30 soat avtobusda etib bordik va o'rtoqlik uchrashuvini o'tkazdik. O'zbekiston kuchli jamoa, ammo ertaga biz Yaman mamlakati uchun maydonga tushamiz.

- O'zbekiston terma jamoasining hozirgi tarkibi haqida malumot bormi? Raqibning o'yinlaridan videolavhalar bormi?

- O'zbekiston kuchli jamoa, Osiyo kubogida o'ynagan, Jahon chempionati saralashlarida ishtirok etgan. Biz balki raqibni etarli tarzda o'rganmagandirmiz, ammo ertaga maydonga shunchaki tushmaymiz.

- Bu safargi saralash oldingilaridan tubdan farq qiladi. Bitta saralash orqali ham Osiyo kubogiga yo'llanma olish mumkin. Yamanning imkoniyatni qanday baholaysiz?

- Yamandagi siyosiy vaziyat tufayli rejalarimiz o'zgarib ketdi. Guruhdagi barcha raqiblarimiz kuchli sanaladi. Osiyo kubogiga yo'llanma olish uchun kurashamiz.

- Ertaga Yaman terma jamoasidan hujumkor o'yin ko'ramizmi yoki himoyaviy?

- Ertaga ko'rasizlar (kuladi). Futbol bu oddiy, to'p raqibda bo'lsa himoyalanasan, to'p senda bo'lsa hujumga o'tasan.

- Yaman terma jamoasi safida qaysi chiziqni kuchli deb bilasiz?

 - Termamizning himoya chizig'ini kuchli deb bilaman.

Narzulla Saydullaev