"Eng yomon ko'radigan jamoam - Dubayning "Al-Vasl" klubi. Xatto bu klub qandaydir mo'jiza bilan "Manchester Siti"ga qarshi o'ynab qolsa, men "Al-Vasl"ga qarshi muxlislik qilaman.
Hammasi 2014 yildan boshlangan. O'sha yili "Al-Vasl" sohta hujjatlar bilan Fabio da Limani O'zbekiston fuqarosi sifatida ro'yxatdan o'tkazgan. Butun dunyoni aldagan "Al-Vasl" jazolanmay qolgan.
Kecha o'z principlarimga qarshi chiqib, "Al-Vasl"ga g'alaba tiladim. CHunki ularning g'alabasi O'zbekiston uchun 2020 va 2021 yillarda Osiyo CHempionlar ligasida 1+2 kvotasini taqdim etgan bo'lardi. "Al-Vasl" mag'lub bo'ldi va endi O'zbekiston chempionatida uchnichi o'rinning qadri yo'q. Agar mamlakat chempioni va Kubok sohibi bitta jamoa bo'lsagina, ikkinchi o'rin ahamiyatli bo'ladi.
Iroqqa kecha yoki joriy mavsum mag'lub bo'lmadik. Orqadaligimizning sababli - 2017 yilgi mavsumdagi muvaffaqiyatsizlik. O'sha futbol yilida "Lokomotiv" guruhda 5, "Bunyodkor" esa 3 ochko to'plagan. Pley-offda turnirdan chiqib ketgan "Nasaf" bilan O'zbekistonning uch klubi o'sha mavsum 5,050 ball to'plagan. Iroq klublari esa 8,993 ball oldi. Bu 3,883 ballik farq hal qiluvchi ahamiyatga ega bo'lib qoldi. 2018 va 2019 mavsumda klublarmiz umumiy hisobda 1,467 ball to'plashdi, ammo bu etarli bo'lmadi.
Hozirgi holatda bizni quvontirishi mumkin bo'lgan yagona narsa, O'zbekiston so'nggi ikki mavsum bo'yicha Iroq va BAAdan oldinda. Bu natija bo'yicha, 2023 va 2024 yilgi mavsumlarda 2+2 kvotasiga davogarlik qilishimiz mumkin" - deyiladi Nikimbaev Telegram kanalida.
2018 va 2019 mavsumlar natijasiga ko'ra, G'arbiy Osiyoning taxminiy reytingi quyidagicha ko'rinishda:
Qatar - 30,083
Eron - 30,017
Saudiya Arabistoni - 24,100
O'zbekiston - 18,400
Iroq - 16,933
BAA - 15,400
Iordaniya - 13,767
Turkmaniston - 9,983
Livan - 6,933
Hindiston - 6,800
Tojikiston - 6,767
Suriya - 4,333
Bosh sahifaga
160