Hokim kubogi: “Qizilqum” finalga yo'llanma oldi

Musobaqaning “V” guruhida qatnashayotgan Navoiyning “Qizilqum” jamoasi so'nggi turda Andijonning “O'zDongJu” futbolchilari bilan kuch sinashdi. Konchilarning to'liq ustunligida kechgan mazkur bahsda 4:1 hisobi qayd etildi va “Qizilqum” o'z hisobidagi ochkolari sonini 13 taga etkazib olgan holda finalga yo'llanma oldi. Uchrashuvda gollarni navoiyliklardan Alisher Xoliqov, Andrey Derkach, Vyacheslav SHevchenko hamda Samandar SHodmonovlar kiritgan bo'lsa, javob to'pi andijonliklardan Ilhom Ikromov hisobiga yozildi.

HAKAMLAR HUJJATIDAN KO'CHIRMA:

Viloyat hokimi kubogi

“V” guruhi, 5-tur

2016 yil 4 fevral

“O'zDongJu-2” (Andijon) - “Qizilqum” (Navoiy) - 1:4 (0:1).

Hakamlar: SHohrux Azamov, Qahramon Sobirov, Xurshid Meliqo'ziev (barchasi - Farg'onadan).

“O'zDongJu”: Muhammad Zokirov, Habibullo Qobulov, Bobur Olimjonov, Salohiddin Jamoliddinov, Umid Abdumalikov, Dilmurod Abduqahhorov, Bobur Abdullaev, SHokir Odiljonov, Hojiakbar Burotov, Mirkomil Qosimov, Abduqahhor Nazirov.

Zaxiradan maydonga tushganlar: Muhammadali Ashurov, Hikmatillo Otaboev, Ilhom Ikromov, Ilhom Odilov, Said Muhamadinov, Sarvar Hamidullaev, Muhammadali Hakimov.

“QIZILQUM”: Artyom Makosin, Georgiy Kvesieshvili, Akmal Rustamov, Alisher Yusupov, Fayzulla Qambarov, SHerali Jo'raev, Samandar SHodmonov, Ilhom Yunusov, Andrey Derkach, Vyacheslav SHevchenko, Alisher Xoliqov.

Zaxiradan maydonga tushganlar: Ruslan Vagapov, Boburjon Iskandarov, Bobur Mamirov, Behzod G'anijonov, G'ayrat Jumaev.

Gollar: Alisher Xoliqov (32), Andrey Derkach (52), Vyacheslav SHevchenko (54) hamda Samandar SHodmonov (57), Ilhom Ikromov (63-pen.).

Endi Hamidjon Aktamov rahbarligidagi “Qizilqum” futbolchilari 7 fevral kuni finalda “Neftchi-1” jamoasiga qarshi maydonga tushadilar.

Malumot o'rnida shuni takidlash kerakki, Farg'onada o'tayotgan yig'inga nigeriyalik ikki nafar futbolchi kelib qo'shilgandi. Afsuski, markaziy himoyachi Sandey Agada hamda hujumchi Oke Ivuzi mashg'ulotlarda murabbiylar ko'rigidan o'ta olishmadi va ortga qaytishga majbur bo'ldilar.