"Qiziq ishlar bo'lyapti. Bugun Termiz shahrida U 21 birinchiligi doirasidagi "Surxon" - "Qo'qon-1912" o'yini bo'lib o'tdi. Nima bo'pti dersiz. Uchrashuv qaydnomasini to'ldirgan o'yin komissari futbolchilarni licenziyasi, futbolka raqamining to'g'ri kelishiga masul. Komissar umuman o'yinga rahbar, hamma unga bo'ysunishi shart. Uchrashuvda yuzaga kelishi mumkin bo'lgan har qanday fors-major holatlarda yakunlovchi so'zni komissar aytadi. Quyida bugungi o'yin qaydnomasini suratini joylayman. Mezbonlar tarkibiga etibor qaratasiz. Qaydnomada 4 va 14 raqamlar yo'q. Maydonda esa ular bor. Yana qandaydir tushunarsiz raqamdagi futbolchi ham bor. Umuman bugungi o'yinda komissar nazoratiga olishi lozim bo'lgan 10 lab xatolar bo'ldi.(Sanab o'tirishni lozim topmadim). O'yin komissari futbol qoidalari hammadan yaxshi bilishi, reglamentni to'liq yoddan bilishi lozim va birinchi navbatda o'zi unga amal qilishi kerak. Komissarni hamma tanishi uchun beyjigi bo'lishi kerak ko'ksida. Komissarlarni mehmondorchilikka kelib ketadigan zamonlari o'tgan, endi ishlash kerak", - deb yozadi "Qo'qon-1912" matbuot kotibi Akramjon Mamadaliev.
PFL tomonidan mazkur o'yinga tayinlangan komissar - Jamshid Imomov
Qayd etish kerakki, yangilangan PFLda komissar "niqobida" futbolga endi kirib kelgan bir talay yangi xodimlar paydo bo'lgan. Bunday kulguli va tushunarsiz holatlar o'tgan yilgi mavsumda ham, joriy chempionat o'yinlarida ham davom etmoqda.
O'zbekiston chempionatlarida ishlagan komissarlar ichida haqiqiy professional maqomdagi mutaxassislar ichida Sanjar Rizaev va Alim Arifovlarni eslash mumkin. SHuningdek, Bahodir Mirzaev hamda SHerzod Rajabov ham bu nomga munosib tarzda ishlagan sanoqli mutaxassislar qatorida tilga olinadi. Hozirgi paytda esa PFLda komissar sifatida tashkilotning ko'plab xodimlari ishlab kelishmoqda va natijada mazkur tushunarsiz holatlar o'z-o'zidan paydo bo'lmoqda.
Bosh sahifaga
289