SHo'rtan yoshlari hokim kubogida ishtirok etadi

Yosh “Oq burilar” yig'inni G'uzordagi qarorgohlarida davom ettirishmoqda. Tayyorgarlikning ushbu eng qizg'in hisoblanmish jarayonida “SHo'rtan” yoshlarining Qashqadaryo viloyati hokimi Kubogida ishtirok etishi ko'zda tutilgan.

Ushbu musobaqadagi “SHo'rtan” jamoasining raqiblari esa, bugun soat 14:00da, Qashqadaryo futbol federaciyasida bo'lib o'tadigan qura tashlash marosimidan so'ng aniq bo'ladi.

Bundan tashqari, g'uzorlik yoshlar dam olish kunlari va tanaffuslar davomida bir qator o'rtoqlik - nazorat uchrashuvlarini o'tkazishni ham rejalashtirgan.