Uchrashuv boshlanishidan avval "SHerlar" sardori Marko Simich jiddiy xastalik bilan kurashayotgan 1,5 yoshli qizaloq Polina Garifulina bilan maydonga chiqib keldi. «Trastbank» xususiy akciyadorlik banki boshqaruv raisining birinchi o'rinbosari Furqat Samarxo'jaev hamda "Paxtakor" futbol klubi afsonasi Birodar Abduraimov kasallik bilan kurashayotgan bolalar - Polina Garifulina va Javohir Pardaevga yordam berish maqsadida ochilgan ramziy kartochkalarni topshirishdi. O'yindan keyin esa bolalar "Paxtakor" jamoasi bilan uchrashishdi.
O'yindan so'ng "Paxtakor" klubi murabbiy va futbolchilari kiyim almashtirish xonasida og'ir hastalik bilan kurashayotgan bolajonlarni qarsaklar bilan kutib olishdi. Bu esa albatta kichkintoylarga kelajakka umid bag'ishlaydi.
Eslatib o'tamiz, har bir xohlovchi qurbi etgan summani quyidagi plastik karta hisob raqamiga o'tkazgan holda ishtirok etish imkoniyatiga ega.
Polina Garifulina
Bu qizaloqqa zudlik bilan suyak iligini ko'chirib o'tkazish darkor. Ushbu gematolik kasallik unda 8 oyligida aniqlangan. Ayni paytda Polina 1,5 yoshga to'ldi.
8600 3036 5948 8063
Javohir Pardaev. 13 yosh.
Tashxis: o'tkir mieloid leykemiya. Javohir Sankt-Peterburgdagi kasalxonada bo'lib turibdi va uning oilasiga davolanish kursini davom ettirish uchun ko'mak juda zarur.
8600 3036 2119 4617
"Paxtakor" futbol klubi hamisha bolalar bilan bog'liq turli akciyalarni qo'llab-quvvatlaydi va ularga yordam berishni o'zi uchun sharafli burch deb biladi.
Bosh sahifaga
313