Krishtianu Ronaldudan haqiqiy do'stlik haqida hikoya

SHu munosabat bilan portugaliyalikning o'zi so'zlab bergan do'sti haqidagi hikoyani yodga olishga qaror qildik.

"Muvaffaqiyatlarimda Albert Fantrauning katta xissasi bor va bu uchun undan minnatdorman. Biz bir paytlar yoshlar jamoasida birga o'ynar edik. O'shanda "Sporting"dan tashrif buyurgan odamlar bir o'yinda ko'p gol urganni akademiyaga olib ketishi haqida aytishdi.

Biz bu bahsda 3:0 hisobida g'alaba qozondik. Men birinchi golga mualliflik qildim, keyin Albert o'z hisobiga gol yozib qo'ydi. Uchinchi gol esa hammani hayron qoldirdi. Albert darvozabon bilan birga-bir vaziyatga chiqib borib, posbonni aldab o'tdi va to'pni bo'sh qolgan darvozaga yo'llab qo'yishi mumkin edi. Ammo u to'pni menga oshirishga qaror qildi va men dubl qayd ettim. Kaminani akademiyaga qabul qilishdi. O'yindan so'ng undan nega bu ishni qilganini so'radim va shunda Alert quyidagicha javob berdi: "Sen mendan kuchliroqsan".

Bir necha yil o'tib jurnalist hikoya haqiqatligiga ishonch hosil qilish uchun Albertning uyiga yo'l oldi va Ronalduning do'sti barchasini tasdiqladi. Albertning so'zlariga ko'ra, u o'sha uchrashuvdan so'ng faoliyatini yakunlagan ekan, hozirda u ishsiz. O'sha paytda Albertning dang'illama uyi va mashinasi bor edi. Fantrau buni shunday izohladi: "Bu hammasi Ronalduning ishi".