Otabek SHukurov o'ynayotgan "SHarja" chempionlikni qo'lga kiritganidan xabaringiz bor. Ikkinchi o'rin Dubayning "SHabab Al Ahli" klubiga nasib etdi. Uchinchi o'rin uchun ham kurash qizg'in kechdi.
Oxirgi turda Abu Dabining "Al Vahda" klubi o'z maydonida "Al Ayn"ni qabul qilib 1:0 hisobida g'alaba qozondi. Yagona gol 87-daqiqada Sebastyan Taglibau tomonidan kiritildi. Ushbu g'alabadan so'ng "Al Vahda" hisobidagi ochkolar sonini 46taga etkazib, "Al Ayn" bilan tenglashib oldi va faqat to'plar nisbatiga ko'ra chempionatni yuqori o'rinda tugatdi.
Bundan tashqari BAA chempionatida 25ta o'yinda maydonga tushgan Taglibau 27ta gol bilan mavsum to'purari bo'ldi. "Al Vahda"ning oxirgi turda g'alaba qozonishi "Al Ayn"ning kelasi yil OCHLda to'g'ridan-to'g'ri guruhda qatnashmasligini taminladi.
SHunday qilib 2020 yil BAAdan uchta jamoa - "SHarja", "SHabab Al Ahli" va "Al Vahda" OCHL guruh o'yinlarida ishtirok etadi. "Al Ayn" esa o'z omadini pley-off raundida sinab ko'radi.
Bosh sahifaga
88