Bugundan 3-tur bellashuvlari start oladi. Malumki, ushbu musobaqada Osiyodan to'rtta jamoa qatnashyapti: Yaponiya, Qatar, Saudiya Arabistoni va Janubiy Koreya.
O'tgan ikki turda Yaponiya 4 ochko to'pladi. Yaponlar Ekvador bilan durang o'ynab, keyin Meksikani yirik hisobda mag'lub etishdi. Janubiy Koreyada hozircha 3 ochko bor. G'arbiy Osiyo vakili Qatar bilan Saudiya Arabistoni esa hozircha g'alaba tugul durangga ham erisha olgani yo'q.
Kecha Saudiya Arabistoni Mali bilan o'yinda 2:0 hisobida oldinda borayotib, yakunda 3:4 hisobida mag'lub bo'ldi. Bundan ko'rinib turibdiki, saudiyaliklarga xarakter etishmayapti. Qatar esa Ukrainaga qarshi tengma-teng kurash olib borib (hatto bazi vaziyatlarda ustunlik qilib), yakunda 0:1 hisobida yutqazib qo'ydi.
Dastlabki ikki turda Osiyo jamoalari qayd etgan natijalar
Yaponiya - Ekvador 1:1
Meksika - Yaponiya 0:3
Qatar - Nigeriya 0:4
Qatar - Ukraina 0:1
Franciya - Saudiya Arabistoni 2:0
Saudiya Arabistoni - Mali 3:4
Portugaliya - Janubiy Koreya 1:0
JAR - Janubiy Koreya 0:1
Ko'rinib turibdiki, hech bir jahon chempionati Osiyo jamoalari uchun oson o'tmaydi. Bu xoh mundial bo'lsin, xoh yoshlar va o'smirlar o'rtasidagi musobaqalar bo'lsin. Hozirgi paytda faqat Yaponiyadan nimadir umid qilish mumkin. Saudiya Arabistoni bilan Qatar musobaqa bilan xayrlashib bo'ldi.
Janubiy Koreyaning bor umidi 3-turga qolgan. Guruhdagi oxirgi o'yinni koreyaliklar 31 may kuni Argentinaga qarshi o'tkazishadi. Lekin Yaponiyani ham guruhdan chiqdi deyishga hali erta. Bugun bo'lib o'tadigan Italiyaga qarshi bahs hammasiga oydinlik kiritadi. Darvoqe, mazkur uchrashuv bizning vaqt bilan 21:00da boshlanadi.
Bosh sahifaga
537