“Andijon”: Bugungi mashg'ulotlar haqida

Mashg'ulotlar “Bunyodkor” akademiyasiga qarashli suniy maydonlarda o'tmoqda. Ertalab murabbiylar shtabi asosiy urg'uni futbolchilarning jismoniy xolatiga qaratgan bo'lsa, tushlikdan so'nggi mashg'ulotda to'p bilan ishlandi. Jamoa tarkibiga bugun G'ulom O'runov kelib qo'shildi. Avval xabar berganimizdek, ushbu futbolchi joriy mavsumni “Andijon”da o'tkazadigan bo'ldi. Undan tashqari darvozabon Akmal Tursunboev va hujumchi Alisher SHog'ulomovni ham yig'inga kelib qo'shilganini aytish lozim. Tursunboevni muxlislarimiz yaxshi bilishsa kerak, 2013 yilgi mavsumda “Andijon”da darvozasini qo'riqlagandi. Xuquqiy jihatdan “Paxtakor” azosi hisoblanadi. Alisher SHog'ulomov esa oxirgi paytlarda “Buxoro” yig'inida ishtirok etib kelayotgandi. Ushbu futbolchi ilgari Baxtiyor Ashurmatov qo'li ostida “Guliston”da o'ynaganini eslatish joiz. SHu bois murabbiy uning imkoniyatini yaxshi biladi. Agarda ushbu futbolchilar bilan klub o'zaro kelishuvga erishsa, joriy mavsumni "Andijon"da o'tkazishadi. 

Bungacha “Andijon” yig'inida bo'lgan va o'tgan mavsum “UzDongJu” sharafini himoya qilgan SHoxruh Ergashev, Akbar Xodjaev va Bekzod G'oziev jamoa bilan xayrlashdi. Qolaversa “Qizilqum”dan taklif etilgan Farruh Haydarov ham endilikda o'ziga yangi jamoa topishi mumkin. Ushbu futbolchilarning kelgusi faoliyatiga omad tilaymiz. Selekciya ishlari davom etmoqda. Yaqin kunlarda tarkibga yana yangi futbolchilar kelib qo'shilishi mumkin.