"Mavsum avvalida, qiyinchiliklar bizni o'rab olgan bir pallada, men futbolchilarimdan doskaga mavsum uchun maqsadimizni yozishni so'radim. Hech kim "CHempionlar Ligasi" deb yozmadi. Bir necha yosh va kelajakka umid bilan boqadigan yigitlar "Evropa Ligasi" dedi. Ko'pchilik – "Qiyinchiliklarni engib o'tish", Ilichich esa – "Quyi divizionga tushib ketmaslik" deb yozdi.
"Menga ko'plab klublardan taklif bo'ldi, hattoki boshqa davlatlardan ham. Lekin barchasiga birlek, klub prezidenti bilan gaplashgachgina javob bera olishimni aytdim. Nima haqida gaplashdik? Birinchi navbatda u menga hech kim ketmasligini vada qildi. SHunday ekan, havotir olmang "Atalanta" sotilmaydi.
Vaziyat faqat juda katta raqamlar bo'lsagina o'zgarishi mumkin. Sababi, shunda biz ketgan futbolchi o'rniga o'rinbosar topa olamiz. Hujum chizig'ini kuchaytirish zarur: yarim himoyada to'p tepayotganlarni almashtira oladigan, o'rnini bosa oladigan futbolchi darkor. (Agar Pashalich sotib olinmasa, unda 2ta yangi futbolchi sotib olish kerak). Men CHempionlar Ligasiga tayyor 3-4 futbolchiga umid qilyapman. Iyul oyi o'rtalarida boshlanadigan yig'ingacha tarkibni aniqlab, to'plab olishimiz zarur. SHundagina mavsumni omadli boshlay olamiz.
Menga grand jamoa kerak emas, shundoq ham grand klubdaman. Bizning prezidendek jonkuyar, futbol ishqibozini topish qiyin. Men "Atalanta" va muxlislarni CHempionlar Ligasidan avval tashlab keta olmasdim.
2016 yil dastlabki besh o'yinning 4tasida mag'lub bo'ldik. O'sha paytlar uyim oldida bir kishi meni to'xtatdi: "Menga g'oyalaringiz yoqdi. Ishonchim komil, hammasi yaxshi bo'ladi". Keyingi uchrashuvda "Krotone"ni engdik. U meni o'z uyiga kechki ovqatga taklif qildi. O'sha vaqtlar Bergamoda hech kimni tanimasdim. Kechki ovqatga ajoyib rizotto (italiyaliklar ovqati) tanovvul qildik. Hozir Paolo – mening eng yaxshi do'stlarimdan biri. Rizottodan - rizottogacha va mana biz CHempionlar Ligasidamiz… Butun shahar meni qo'llab-quvvatlamoqda. Bunday atmosferani hech qaerdan topa olmaysiz. Bu katta bir oila!
Men haqiqiy chempionlarni shug'ullantirganman: Tiago Motta va Diego Milito. Lekin ishonchim komil, keyingi mavsumdagi "Atalanta" mening eng zo'r jamoam bo'ladi. Ilichich – jamoadagi yagona futbolchi. Qaysi jihatdan deysizmi?! Faqatgina unga zaxirada qolish yoqadi. "Sassuolo" bilan o'yinda unga tanaffusdan keyin maydonga tushishini aytdim. U huddi men uning katta bir kreditini to'lab bergandek xursand bo'ldi. Keyin u maydonga tushdi va uchta gol urdi".
Nozima Zaripova tarjimasi
Bosh sahifaga
2028