- Bugun stadionga tashrif buyurgan muxlislar qiziqarli va ancha keskin kurashlarga boy o'yin guvohiga aylanishdi. Garchi, yakunda durang hisobi qayd etilgan bo'lsa-da, natija va shogirdlarim harakatlaridan qoniqish hosil qildim.
Uchrashuvdan ko'zlangan asosiy maqsad g'alaba qozonish bilan bir qatorda, zaxiramizda qolgan yigitlarimiz imkoniyatlarini tekshirib ko'rish edi. Deyarli aksariyat yosh futbolchilarimizni maydonga tushirdik. Afsuski, o'yin boshida yo'l qo'ygan xato va kamchiliklarimiz tufayli darvozamizdan gol o'tkazib yubordik. Muvozanatni tiklash uchun ancha vaqt sarfladik. Yaratilgan vaziyatlardan unumli foydalana olmadik.
"SHo'rtan" jamoasiga kelsak, G'uzorliklar menda juda yaxshi taassurot qoldirishdi. Ular bugun o'z muxlislariga munosib o'yin namoyish etish bilan birgalikda bejizga PRO-Liga"A" guruhida peshqadam emasliklarini isbotlashdi. Jamoada tajribali futbolchilar bilan bir qatorda istedodli yoshlar ham jamlanganligi ko'rinib turibdi. Ochig'i yashirmayman, mezbonlar tarkibda o'ynagan yoshlardan birini ko'z ostimga olib qo'ydim. Imkon tug'ilishi bilan yaqin vaqt ichida uni o'z jamoamga taklif qilishni rejalashtirib qo'ydim. Kimligi haqida hozircha aytmayman, bu sirligicha qolsin.
"SHo'rtan" matbuot xizmati
Bosh sahifaga
1901