Mazkur vaziyatga oydinlik kiritish maqsadida Baxtiyor Ashurmatov bilan bog'landik.
"Buxoro" jamoasining sobiq bosh murabbiyining takidlashicha, bu xabarlar hech qanday asosga ega emas. Yani, Ashurmatov mish-mishlarni to'liq inkor etdi hamda kelajakda o'z oldiga yuqori maqsadlarni qo'yadigan jamoada uzoq muddat ishlash rejasi borligini yashirmadi.
"Bu yangilik hech qanday asosga ega emas.To'g'ri, "Navbahor" jamoasiga mehrim boshqacha. Lekin u erda ayni paytda murabbiy ishlamoqda. Hozircha hech qaysi jamoadan taklif bo'lgani yo'q. Ayni damda uydaman. Farzandlarimga, oilamga ko'proq vaqt ajratish imkoni bo'lganidan foydalanyapman.O'g'illarimni futbol mashg'ulotlariga olib boryapman. Buyog'iga men o'z oldiga yuqori maqsad ko'ygan jamoadan taklif bo'lsa, o'sha erda kamida 3-4 yil ishlamoqchiman. Endi o'ylamasdan qaror qilishga, xato qilishga haqqim yo'q", - dedi Baxtiyor Ashurmatov.
Eslatib o'tamiz, o'tgan yili "Buxoro"da yordamchi murabbiy sifatida ishlagan va mavsum o'rtasidagi AGMK ruliga o'tirgang Ashurmatov olmaliqliklar bilan O'zbekiston Kubogida zafar quchgandi.
Joriy mavsumni esa "Buxoro" bosh murabbiyi sifatida boshlagan Ashurmatov 8-turdan so'ng istefoga chiqishni maqul ko'rdi va ayni paytda erkin agent maqomida.
Bosh sahifaga
1986