Mag'lubiyatdan ham ko'ra jamoamiz ko'rsatgan o'yin kishi tabini xira qildi. Na hujum o'xshadi, na himoyadagi harakat. Hayronmiz, bu ketishda kuzda start oladigan rasmiy o'yinlarni qanday o'tkazamiz.
JCH saralashida qaysi guruhga tushmaylik, baribir asosiy raqiblarimiz Janubiy Koreya, Yaponiya, Eron, Avstraliya bo'lib qolaveradi. Biz mundialga borishni xohlasak, mana shu jamoalar bilan tengma-teng o'ynashimiz, zarur paytda yutishimiz shart. Bu jamoalarning har biri o'rtoqlik uchrashuvida o'zidan kuchli jamoani mag'lub eta oladi.
Lekin bizga xorijlik murabbiy kelibdi hamki, hali o'zimizdan kuchli raqiblarni mag'lub eta olmadik. Bu esa futbolchilarning o'z kuchiga bo'lgan ishonchini susaytirib yuboryapti. Kuper jamoaga g'oliblik ruhini olib kira olmayapti. Unga nimadir etishmayapti.
Statistikaga qaraymiz, Kuper qo'l ostida terma jamoamiz 13ta o'yin o'tkazdi - 5 g'alaba, 5 mag'lubiyat va 3 durang.
Biz yutgan jamoalar: KXDR (2:0), Qatar (2:0), Ummon (2:1), Turkmaniston (4:0), Xitoy (1:0).
Biz durang o'ynagan jamoalar: Suriya (1:1), Livan (0:0), Avstraliya (0:0).
Bizni yutgan jamoalar: Eron (0:1), Janubiy Koreya (0:4), Yaponiya (1:2), Urugvay (0:3), Turkiya (0:2).
Ko'rib turganingizdek, o'zimizdan kuchli hali hech kimni yuta olmadik. Qatarni yutdik-ku deyishingiz mumkin. Qatar Osiyo Kubogidagi g'oliblikdan keyin kuchayib qoldi. Lekin bu jamoani biz har doim yutib kelganmiz.
Osiyoda bir tekis kuchli jamoalar deb ana Yaponiya, Janubiy Koreya, Avstraliya va Eronni aytsa bo'ladi va shular bilan o'ynab birortasini hatto o'rtoqlik uchrashuvida enga olmadik.
Kuperning omadi shundaki, u Osiyoning eng kuchli to'rtta jamoasi bilan o'ynab ko'rdi, ammo omadsizligi shundaki hamma o'yinni boy berdi.
Bosh sahifaga
151
