“SHo'rtan”: Islom Boysariev maydonga qaytdi

Afsuski, o'tgan yili safarda “Orol” (Nukus)ga qarshi uchrashuvda kutilmaganda jarohat olib, malum vaqt davomida davolanib tiklanish jarayonini o'tkazdi. Uning jarohat olish voqeasi hatto O'zbekiston Futbol Associaciyasining yil yakunlariga bag'ishlangan bayram tadbirida ham etirof etildi.

SHukurki, barcha ko'ngilsizliklar ortda qoldi va umidli futbolchimiz yangi mavsum boshidayoq safga qaytdi. “SHo'rtan” klubining 2019 yilgi mavsumi qaydnomasiga kiritildi va O'zbekiston Professional Futbol Ligasidan ro'yxatdan o'tkazildi.

1 iyun kuni O'zPFL tomonidan yangi tashkil etilgan Liga Kubogi musobaqasi 1-tur uchrashuvlari doirasidan o'rin olgan “SHo'rtan” - “So'g'diyona” bahsining 67-daqiqasida murabbiylar tomonidan zaxiradan maydonga tushirildi. SHuni alohida takidlash joizki, Islom Boysariev orada yuzaga kelgan tanaffusga qaramay o'z jismoniy holatini yaxshi saqlagani va tayyorgarligi ham talabga javob berishini maydonda isbotlab qo'ydi. Hujum chizig'ida harakatlangan yosh o'yinchimiz, bahsning qolgan qismida Superliga vakili - “So'g'diyona” jamoasi himoyachilari va ayniqsa, darvozabon SHirinboy Abdullaevni bir necha marotaba hushyor turishga majbur qildi.

Bosh hakam tomonidan ikkinchi bo'limga qo'shib berilgan so'nggi daqiqalarda esa Jizzaxliklar darvozasi tomon berilgan kuchli zarbasi gol bilan yakunlanishi mumkin edi. Agarda zarba gol bilan yakunlanganida, Islom Boysariev shubhasiz uchrashuv qahramoniga aylanar edi.