Uchrashuv keskin kurashlar ostida boshlandi. Har ikki jamoa vakillari dastlabki daqiqalardanoq hujumkor o'yin namoyish etishdi. Birinchi bo'lim 22-daiqasiga kelib uchrashuvda hisob ochildi. Qanotdan uzatib berilgan to'pni “Istiqlol” futbolchisi Rustam Abduhamidov aniq zarba bilan “Neftchi” darvozasiga joylab qo'ydi va jamoasini oldinga olib chiqdi.
O'tkazib yuborilgan goldan so'ng “Neftchi” hujumkorlikni oshirdi. Mezbonlar ketma-ket uyushtirilgan hujumlar, xavfli vaziyatlar sodir etgan bo'lsalarda, raqib darvozasiga gol ura olishmadi. Birinchi bo'lim 0:1 hisobida yakuniga etdi.
Ikkinchi bo'limni “Neftchi” shiddatli hujumkorlar bilan boshladi. Lekin vaziyatlar gol bilan yakunlanmadi. “Istiqlol” himoyachilari ketma-ket uyushtirilayotgan hujumlarni bartaraf etishdi.
SHu kuni himoya va hujumda tartibli harakat qilgan “Istiqlol” futbolchilari “Neftchi” darvozasiga ikkinchi golni ham kiritishgandi, biroq yon hakam o'yindan tashqari xolatni qayd etdi va gol inobatga olinmadi.
SHu kuni “Neftchi” futbolchilari raqib darvozasini ishg'ol etish uchun astoydil harakat qilgan bo'lsalarda, ularnig xech biriga gol urish nasib etmadi. Hakam tomonidan qo'shib berilgan daqiqalarda mezbonlar futbolchisi Islombek Karimov jarima zarbasidan hisobni tenglashtirishi mumkin edi, uning zarbasi darvoza ustuniga tegib maydon tashqarisiga chiqib ketdi, hisob o'zgarmay qoldi Uchrashuv 0:1 hisobida “Istiqlol” jamoasining g'alabasi bilan yakunlandi.
A PRO-Liga.
9-tur.
“Neftchi” – “Istiqlol” 0:1 (0:1)
Hakamlar: A.Nadjafaliev, S.Nishonboev, N.Afinogenov, M.Fozilov.
Nazoratchi – S.Ermatov
Komissar: Z.Akramxonov
Gol: Rustam Abduxamidov, 22 (0:1)
"Neftchi": 16.Xurshid Muxammadov, 2.Asilbek G'oyibjonov, 7.Islom Toshpo'latov, 10.Xurshidbek Asqaraliev, 13.Jamshid Qobulov, 14.Abjujalil Manazarov, 15.Mirjamol Nematov, 17.Ilxomjon Vahobov, 18.Davron Isaqov, 19.Alisher Abduvoxidov, 77.Islombek Karimov
Zahira: 1.Rasul Abdumo'minov, 11.Xamidullo Abduxamidov, 20.Dilyorbek Ermatov. 23.SHaxzodbek Usmonov, 25.Azizbek Muxtorov, 41. Begzod Xomidov, 93. Doniyor Madaminov.
"Istiqlol": 1.Rustam Nartadjiev, 3.Farrux Ibroximov, 4.Jasur Ermamatov, 5.Abduxoliq Qurbonov, 21.Elyor Mamasoliev, 14. Rusatm Abduxamidov, 17. Anvar Xojimirzaev, 8.Sardor Sotvoldiev, 19.Fayzullo Jumanqo'ziev, 30.Eldor Ergashev, 77.Umid Qodirov.
Zahira: 12.Jasurbek Abdullaev, 4.Jasurbek Ermamatov, 7.Riza Ayvazov, 9.Abduqodir Artikov, 10.Elyorjon Akbarov, 11.Anvar Berdiev, 18. SHoxrux Boyqo'ziev, 20.Ulug'bek Xudoyberdiev, 22.Sardor Telyakov
Bekzod Tolibov tayyorladi.
Bosh sahifaga
208
