Turkiyaga qarshi o'rtoqlik uchrashuvidan keyin Toshkentga qaytib kelgan terma jamoamiz ikki kundan buyon "Jar" stadionida mashg'ulotlarni o'tamoqda.
Kecha terma jamoamiz mashg'ulotlari yopiq eshiklar ostida o'tdi.
O'FAning tvitterdagi rasmiy sahifasi kechagi mashg'ulotga 1,5 soat qolganida: "O'zbekiston MTJ azolari bugun Hayit bayramini o'z oila azolari davrasida nishonlagandan keyin, mashg'ulotlarni davom ettirishadi. Bugungi mashg'ulotlar OAV uchun yopiq tarzda o'tadi. Jurnalistlar ertaga o'yinoldi matbuot anjumanidan keyin bo'lib o'tadigan mashg'ulotda ishtirok etishlari mumkin", - deya yozgandi.
Qayd etish kerakki, bugun ertangi O'zbekiston - KXDR uchrashuvi oldidan terma jamoalarning rasmiy mashg'uloti va o'yindan avvalgi matbuot anjumani bo'lib o'tadi.
Dastlab, soat 17:30da mehmonlar bosh murabbiyi jurnalistlar savollariga javob beradi. Keyin soat 18:00da KXDR terma jamoasining o'yinoldi mashg'uloti o'tkaziladi. Soat 18:30da esa O'zbekiston milliy terma jamoasi bosh murabbiyi Ektor Kuper ishtirokidagi matbuot anjumani boshlanadi. Soat 19:00da esa O'zbekiston milliy terma jamoasining mashg'uloti bo'lib o'tadi, deyiladi O'FA xabarida.
Foto O'z muxlislarini sevadigan va hurmat qiladigan terma jamoa
Bosh sahifaga
184