Avval xabar berganimizdek, "Buxoro" rossiyalik Gus Xiddinkning "Anji"dagi sobiq yordamchisi Andrey Gordeev bilan muzokaralarni o'tkazayotgandi.
"Buxoro"ga xorijlik murabbiy keladi...
Kuni kecha rossiyalik mutaxassis yurtimizga, xususan Buxoroga tashrif buyurgan va jamoadagi sharoitlar bilan yaqindan tanishib, muzokaralarda qatnashgan.
Hozircha og'zaki kelishuvga ko'ra, tomonlar shartnoma bo'yicha gaplashib olishgan. Biroq Gordeev "Buxoro"ga o'zining murabbiylar shtabi bilan kelish shartini qo'ygan. Bu esa klubga qo'shimcha harajat degani. SHu boisdan "Buxoro" klubi rahbariyati mazkur masalani obdon o'rganib chiqib, tez kunlarda yakuniy qarorga kelishi kutilmoqda.
Ayni paytda Andrey Gordeev o'z yurtiga qaytib ketgan va "Buxoro" tomonidan yakuniy qarorni kutmoqda. Agarda klub rahbariyati mazkur masalaga echim topsa, unda tez orada Rossiya yoshlar terma jamoasining sobiq murabbiyi, o'z vaqtida Gus Xiddinkga yordamchi sifatida ishlagan mutaxassis Andrey Gordeev bilan rasman shartnoma imzolaydi.
Bosh sahifaga
443