KXDR terma jamoasi bosh murabbiyi Yung Jang Sung OAV xodimlari savollariga javob qaytardi.
"BAAdagi Osiyo kubogidan so'ng ilk marotaba o'yin o'tkazamiz. Tarkibimizda o'zgarishlar bo'ldi. O'ylaymanki, ushbu o'yin har ikki jamoa uchun foydali bo'ladi", - deb so'z boshladi murabbiy.
-Jamoa 140 kun ichida o'ynamadi. Ertangi o'yinga jamoa qay darajada tayyor?
-To'g'ri, biz Osiyo kubogidan so'ng umuman o'ynamadik. Asosan o'zimizda mashg'ulotlar o'tkazdik. Tarkibimizda yangi nomlar bor. O'zgargan
-Osiyo Kubogida sharmandali natija qayd etdi. Bugungi kunda rahbariyat murabbiy oldiga qanday vazifa qo'ygan? Terma jamoa buni qay darajada uddalay oladi?
-Rahbariyat oldimizga qo'ygan asosiy vazifalardan biri - JCH saralash bosqichiga yaxshi tayyorgarlik ko'rib, muvaffaqiyatli ishtirok etishdan iborat.
-O'zbekistonga qarshi o'yinda murabbiy uchun natija muhimmi yoki unda yangi futbolchilarni sinovdan o'tkazish asosiy maqsadmi?
-Oldinda turgan o'yinda natija biz uchun muhim emas. Asosan yangi futbolchilarni sinovdan o'tkazishni maqsad qilganmiz. Ushbu tarkibga mahalliy futbolchilarni jalb etganman. Aytganimdek, asosiy maqsadimiz JCH saralashiga munosib tayyorlanish.
-Ertangi o'yinda futbolchilarga motivaciya bera oladigan omil bormi?
-Mazkur uchrashuvda nima motivaciya bo'la oladi? Ertaga biz asosan yangi futbolchilarga ishonch bildiramiz. Ularning maqsadi jahon chempionatiga chiqish. Ular o'zini ko'rsatishi lozim. Aynan shu motivaciya vazifasini bajaradi.
-KXDR o'rtoqlik o'yinlari uchun kuchli raqib topishga qiynaladimi?
-Biz terma jamoani yiqqanimizga 20 kun bo'ldi. Jamoa yangidan qurilmoqda. Biz MTJ uchun yangi futbolchilarni selekciyasi bilan shug'ullanmoqdamiz.
Aziz To'xtamurodov yozib oldi
Foto: Tolibjon Qosimov, Jahongir Fayzullaev
Bosh sahifaga
129