Ikki karra jahon (1994, 2002), ikki karra Amerika (1997, 1999), ikki karra Italiya (2001, 2004) chempioni va ikki bor Libertadores kubogi (1992, 1993) sohibi, Evropa chempionlar ligasi (2007) g'olibi bugun tavallud kunini nishonlamoqda.
Bo'lajak jahon yulduzi 1970 yil San-Pauluda tavallud topgan. Bolaligidan futbolchi bo'lishni orzu qilgan Kafuni 18 yoshiga qadar birorta ham klub qabul qilmagan.
1988 yilda "San-Paulu" jamoasi tarkibiga qabul qilingan Kafu uchun yuksak marralar tomon barcha yo'llar ochildi. "San-Paulu", "Real Saragosa", "Palmeyras", "Roma" va "Milan" klublaridagi 19 yillik faoliyati davomida jahonning eng kuchli o'ng qanot himoyachisiga aylandi. 2007 yilda Evropa chempionlar ligasi g'olibiga aylangan Kafu 2009 yilda butsalarini mixga ildi.
1994 yildan boshlab to'rt mundialda Braziliya sharafini himoya qildi. 2002 yilgi musobaqada terma jamoa sardori sifatida chempionlikni tantana qildi. U terma jamoa sharafini 16 yil mobaynida 142ta uchrashuvda himoya qildi. Futbol afsonasi bugun 49 yoshga to'ldi.
Faxriddin Ro'ziev tayyorladi
Bosh sahifaga
1933