"O'ylaymanki, bugun har ikki jamoa ham yaxshi o'yin namoyish etdi. O'zbekiston bahsda kuchliroq ko'rindi. Aytishim lozimki, jamoamiz yig'ilganiga endi 20 kun bo'ldi. Umuman olganda o'yin yaxshi o'tdi", - deb so'z boshladi koreyalik murabbiy.
-O'tkazib yuborilgan dastlabki ikkita golni qanday izohlaysiz?
-Aytish mumkinki, stadiondagi atmosfera futbolchilarga bosim o'tkazdi. Biz o'yindan-o'yinga futbolchilarimizning mahoratini oshirib boramiz.
-2010 yilda KXDR juda yaxshi taassurot qoldirgandi. O'shandan keyin jamoa o'sishi kutilgandi. Biroq, pasayish yuzaga keldi. Bunga sabab nima?
-Bizda yosh futbolchilarning rivojlanish jarayoni ko'ngildagidek kechmadi. 2010 yildan so'ng ko'p kuchli futbolchilarimiz bilan xayrlashdik. Bunga aynan shu sabab bo'lishi mumkin.
-Bugungi o'yindan kelib chiqib, O'zbekiston terma jamoasining eng kuchli tomoni nimada deb o'ylaysiz?
-O'zbekiston milliy terma jamoasi futbolchilarining individual mahoratlarini alohida qayd etib o'tgan bo'lardim.
Aziz To'xtamurodov yozib oldi
Bosh sahifaga
358