Misr yoshlar terma jamoasi Afrika chempionati saralash o'yinlarining 2-bosqichida Ruanda, 3-bosqichida Angolani mag'lubiyatga uchratib qita chempionatiga yo'l olgan edilar. Naibiya davlatida bo'lib o'tgan musobaqada jami 8ta jamoa ishtirok etgan. Unda Misr "A" guruhida Namibiya, Gvineya va Mali terma jamoalari bilan bir guruhdan o'rin olgan va 2ta durang, 1ta mag'lubiyat natijasini qayd etib guruhda 3-o'rin sohibi bo'lgan. Yoshlar o'rtasidagi JCHga Senegal, Janubiy Afrika, Gvineya va Naibiya terma jamoalari yo'l olganlar.
Huddi shu musobaqaning Osiyodagi qismida Jasur Abduraimov bugungi kundagi olimpiya terma jamoasi azolari bilan qita chempionatida guruhda 1-o'rinni qo'lga kiritib keyingi bosqichga yo'llanmani qo'lga kiritgan edilar. O'shanda jamoamiz Tojikiston va Avstraliya ustidan g'alaba qozongan edilar. So'nggi, kerak bo'lmagan o'yinda Xitoy bilan durang o'ynalgan. Afsuski JCH yo'llanmasini beruvchi hal qiluvchi o'yinda chiroyli o'yin ko'rsatgan bo'lishimizga qaramay, Eronga imkoniyatni boy berib qo'yganmiz. Garchand kichik mundial yo'llanmasini qo'lga kirita olmagan bo'lsakda, o'sha musobaqadan juda ko'pchilikning ko'ngli to'lgan edi.
Ayni paytda Misr terma jamoasi Tokio Olimpiadasi uchun yo'llanma beradigan Afrika chempionatiga tayyorgarlik ko'rayapti. Etiborlisi shundaki, musobaqaga aynan Misr 8 - 22 noyabr kunlari mezbonlik qiladi.
Tokio Olimpiadasi kvotalari quyidagicha ko'rinish olgan:
UEFA - 4 (Italiya va San Marino, 16-30 iyun)
OFC - 1 (Fiji, 21 sentyabr - 5 oktyabr)
CONCACAF - 2 (Kosta Rika, oktyabr)
CAF - 3 (Misr, 8-22 noyabr)
AFC - 3 (Tailand, 8-26 yanvar)
CONMEBOL - 2 (Kolumbiya, 15 yanvar - 2 fevral)
Bosh sahifaga
259