- Davron, o'yin haqidagi fikrlaringiz?
- O'yinga keladigan bo'lsak, bu bahsga jiddiy tayyorgarlik ko'rgan edik. Yig'in oldidan Turkiya, KXDR va Suriya bilan bo'ladigan o'yinlarga Kuper jiddiy tayyorgarlik ko'rdi. Turkiya bilan bo'lgan o'yinda mag'lubiyatga uchraganimizdan so'ng, murabbiy bizga tezroq o'zimizga kelishimizni va o'yinni unutishimizni aytdi. Bizning bosh maqsadimiz jahon chempionatiga chiqish. SHuning uchun biz ruhan sinib qolmaslikka harakat qildik va yaxshi tayyorgarlik ko'rdik deya olaman. Yana bir jihat, bu FIFA kunlari edi va bu reytingimizga tasir etmay qolmasdi.
- Ikkinchi taymda Suriya ko'proq o'yinni nazorat qildi. SHunga munosabatingiz?
- Ikkinchi taymga keladigan bo'lsak, bizga orqada, yani mudofaada xato qilmaslik va gol qo'yib yubormaslik vazifasi qo'yilgan edi. SHuning uchun, biz himoyachilar ko'proq himoyalandik va intizomli o'yin namoyish etdik. Hisobni ushlab qolmoqchi edik va yakunda bunga erishdik ham.
Alisher Ostonov yozib oldi.
Bosh sahifaga
168