"Al SHabab" OCHLda O'zbekiston klublariga qarshi qanday o'ynagan?
/ Kiritdi: BestMaster O'qilgan: 1201
9 fevral kuni Osiyo chempionlar ligasi pley-off bosqichi doirasidagi "Bunyodkor" - "Al SHabab" uchrashuvi bo'lib o'tadi.
BAA klubi shu paytga qadar OCHLda O'zbekistonning uchta klubiga qarshi o'ynagan.
2009 yilda musobaqaning guruh bosqichida "SHabab" "Bunyodkor" bilan bir guruhdan o'rin olgandi. Dubayda o'tgan bahsda mezbonlar Issa Obayd va Musavenkosi Mguni tomonidan urilgan gollar evaziga 2:0 hisobida g'alaba qozonishgan. Toshkentda o'tgan o'yinda esa hisob ochilmagan - 0:0. O'shanda Aziz Haydarov "qaldirg'ochlar" safida bo'lajak klubiga qarshi o'ynagan. Bundan tashqari o'sha yil Toshkent klubida safida maydonga tushgan Pavel Bugalo, Murod Zuhurov, Anvar G'ofurov va Viktor Karpenko hamon "Bunyodkor"da faoliyat olib borishmoqda.
2012 yilda "Al SHabab" OCHL pley-offida o'ynagan. O'shanda jamoaga Farg'onaning "Neftchi" klubi raqiblik qilgan. Dubayda bo'lib o'tgan yagona bahsda Issa Obayd dublga erishgan, Aziz Alijonov avtogol qayd etgan - 3:0. Uchrashuvda Aziz Haydarov "Neftchi"ga qarshi maydonga tushgan.
2013 yilgi mavsumda BAA klubi guruh bosqichida "Paxtakor" bilan o'ynagan. Dubaydagi uchrashuv taqdirini birgina gol hal qilgan. 85-daqiqada Jamshid Iskanderov tomonidan kiritilgan to'p "sherlar"ga safardagi g'alabani keltirgan - 1:0. Toshkentda esa "Al SHabab" zafar quchgan. Birinchi daqiqada Esam Dhahi hisobni ochgandi. 19-daqiqada Kaxi Maxaradze penaltidan hisobni tenglashtirishga muvaffaq bo'lgan. Ikkinchi bo'limda Maxaradze yana gol urgan, faqat o'z darvozasiga - 1:2. O'shanda har ikkala uchrashuvda ham Aziz Haydarov to'liq 90 daqiqadan o'ynagan.
"Bunyodkor" - "Al SHabab" uchrashuvi 9 fevralda Toshkentdagi "Bunyodkor" stadionida soat 17:00da boshlanadi.
Bosh sahifaga
196
