Deniel 2018 yil noyabr oyida "Suonsi" tarkibida debyut qildi va klub hamda yoshi uchun hisoblaganda ajoyib mavsum o'tkazdi.
Sulsherning Jeyms haqida aytgan so'zlari: "Deniel - katta hajmdagi salohiyatga ega, o'yinni ko'ra olish va bir-biridan go'zal pas bera oladigan tarbiyali yigit. "Suonsi"da shunchaki dahshat mavsum o'tkazdi va "Yunayted"ning bir qismiga aylanishi uchun unda barchasi bor. U bilan shartnoma imolaganimizdan xursandmiz va Denielning xizmatlaridan foydalanishni intiqlik bilan kutmoqdamiz. Bu Jeyms rivojlanishini davom ettirishi uchun mukammal joy".
21 yoshli Jeyms ham bunga javoban quyidagi gaplarni aytib o'tdi:
"Bu hayotimdagi eng yaxshi kunlardan biri. Men buni juda istagandim. APL dunyoda eng yaxshi chempionat hisoblanadi va MYU o'yinchi sifatida rivojlanishim uchun ideal makon. Bu men va oilam uchun ajoyib lahzalar va biroz g'amgin holat. Otam ushbu yorqin vaziyatni ko'ra olmadilar. Ole bilan hamkorlikda ishlashni va jamoa bilan uchrashib tezda ishga kirishib ketishni intizorlik bilan kutyapman".
Bosh sahifaga
261