"Ravshan Ermatov va Zvonimir Boban. Jahonga mashhur hakam va futbolchi. Kecha ularning hayotida katta o'zgarish yuz berdi. Ularni faqatgina o'zgarish ro'y bergan vaqt birlashtirmaydi. Boban FIFA bosh kotibi o'rinbosari lavozimini tark etdi va "Milan"ning bosh direktoriga aylandi.
Ermatov esa kecha O'zbekiston futbol associaciyasining vaqtinchalik vice-prezidenti etib saylandi.
Ularning ikkisi ham minglab insonlar orzu qiladigan ishdan voz kechishdi. Boban o'zi futbol yulduziga aylangan klubga qaytdi. Ermatov milliy futbolimizni rivojlantirish masuliyatini o'z bo'yniga oldi.
Boban dunyo futbol tashkilotining uchinchi darajali rahbarlaridan biri edi. Ammo sevimli klubiga qaytish uchun bu mansabdan voz kechdi. Ermatov o'zining to'rtinchi jahon chempionatiga - jahon futboli tarixidagi rekordiga intilayotgan edi, biroq yangi ishi uchun u hakamlik faoliyatini muddatidan avval yakunlaydigan bo'ldi.
Men "Milan" muxlisi emasman, shu sababli Boban qanday qiyinchiliklarni boshdan kechirishini bilmayman. Ammo Ermatov yangi vazifasining masuliyati va qiyinchiliklarini tasavvur qilyapman.
Ikki yil avval o'zbek futboli katta tamirlashga muhtoj edi, bugun uni qaytadan boshlashga to'g'ri keladi. Vazifa qiyin, biroq uddalsa bo'ladi. Asosiysi, Ermatov oldida turgan vazifalarni juda yaxshi tushunadi. U aynan nimani almashtirish kerakligini biladi. SHu bilan birga, u milliy futbolimiz ravnaqi yo'lida ishlashga tayyor va qodir bo'lgan mutaxassislar etarlicha ekanidan xabardor. Yana bir muhim narsa: Ermatovda O'zbekiston futbol jamoatchiligi ishonchi bor, bu unga yangi ishda yordam berishi kerak" - deb yozadi Nikimbaev.
Bosh sahifaga
1189