O'yinning 2-daqiqasida mezbonlarning ilk hujumlarida Murodjon Toshmatov o'yindan tashqari holatda qoldi. 7-daqiqada Ivan Solovyov jarima zarbasini amalga oshirganidan so'ng, jarima maydonchasi ichida mezbon himoyachilarilan biri to'pni qo'li bilan o'ynaganidan so'ng penalti belgilandi. Aleksandr Kasyan mezbonlar darvozasiga belgilangan penaltini aniq amalga oshirib, hisobni ochdi - 0:1.
14-daqiqada Sardor Rahmonovning zarbasidan so'ng to'p darvoza to'sini tepasidan o'tib ketdi. 19-daqiqada Azimjon Ahmedovning 20 metrlar chamasi uzoqlikdan darvozaga yo'llagan zarbasi noaniq chiqdi.
28-daqiqada Mirzohid G'ofurovning kuchli zarbasini Sultonov qaytardi.
30-daqiqada Oston O'runov o'z jarima maydoni ichida Akmal SHorahmedovni yiqitgani uchun bosh hakam penalti belgiladi. 11 metrli jarima to'pini Murodjon Toshmatov amalga oshirdi, O'tkir Yusupov to'pni qaytarishga erishdi!
32-daqiqada Sanat SHixov to'xtatmasdan to'pni darvozaga yo'lladi, Yusupov yana o'zini ko'rsatdi.
42-daqiqada SHahzod SHaymanovning zarbasidan so'ng, to'pni darvozabon Suhrob Sultonov qaytardi.
45+1-daqiqada Zafar Polvonovning yaqin masofadan yo'llagan zarbasini Yusupov ajoyib seyv bilan qaytarishga erishdi.
Birinchi taymda boshqa gol urilmadi.
54-daqiqada Jasurbek Umarovning zarbasidan so'ng, to'p darvoza to'sini tepasidan o'tib ketdi.
71-daqiqada Sanat SHixovning zarbasidan so'ng, to'p darvoza ustuni yonidan o'tib ketdi. 77-daqiqada SHahzod SHaymanovning zarbasidan so'ng, to'p raqib futbolchilaridan biriga tegib, maydonni tark etdi.
89-daqiqada SHerzod Fayzievning kuchli zarbasini O'tkir Yusupov qaytardi.
90+2-daqiqada SHoxnazar Norbekov raqib jarima maydoni ichida ajoyib gol urdi - 1:1.
90+3-daqiqada Norbekov birga bir vaziyatga chiqib ketdi va noaniq zarba berdi...
Uchrashuvda 1:1 hisobi qayd etildi.
 AGMK Shohnazar Norbekov - 90' | Superliga. 11-tur 16/06/2019, 19:30 1 : 1 Tugadi |  Navbahor Aleksandr Kasyan - 7' |
Bosh sahifaga
1993