- “SHo'rtan” PFK tarkibida bir necha mavsumdan buyon to'p surib kelasiz. Tajribali futbolchi sifatida aytingchi, jamoaning bu yilgi birinchilikdan ko'zlagan asosiy maqsadi nimalardan iborat?
- Malumki “SHo'rtan” jamoasi bundan oldingi yillarda ham Superliga darajasida ishtirok etib kelgan. Bundan tashqari “Oq bo'rilar” halqaro uchrashuvlarda ham o'z kuchini sinab ko'rishgan. G'uzorlik muxlislar katta futbol havosini sog'inib qolishdi. SHundan kelib chiqib “SHo'rtan” faqat yuksak marralarni ko'zlaydi, deb aytaolaman. Qolaversa, jamoamizning bosh homiysi “SHo'rtanneftgaz” MCHJ raxbariyati ham 2019 yilgi mavsumda oldimizga Superliga chiqish yo'llanmasini qulga kiritish vazafasini quygan.
- Jamoaning Superliga chiqish imkoniyati qanchalik darajada deb baholaysiz?
- Yaxshi, chunki yil boshida tarkibizni imkon darajasida malakali futbolchilar bilan mukammal shakllantirdik. Safimizda o'yinni o'z qo'liga oladigan, jamoadoshlarini oldinga boshlaydigan tajribali yigitlar ko'p. SHu bilan birga klubimiz rahbarlari va murabbiylari istedodli yoshlarga ham keng imkoniyatlar berishmoqda. Bular orasida G'uzorlik yigitlarning ko'p ekanligi quvonarli hol.
- PRO-Liga “A” guruhidagi jamoalardan qaysilari bu yil g'oliblik yo'lida “SHo'rtan”ga asosiy raqobatchi bo'lishi mumkin?
- Superligaga chiqish uchun raqobat qiladigan asosiy jamoalar “Mashal” va “Istiqlol” deb o'ylayman. Turnir jadvaliga etibor beradigan bo'lsak ham aynan biz bilan birga ushbu jamoalar peshqadamlik qilishyapti. Ular tomondan namoyish qilinayotgan o'yinlar ham tahsinga loyiq. Ayniqsa Muborakliklarning o'yinini alohida taqidlagan bo'lardim. SHu o'rinda “Mashal” bosh murabbiyi Aliqulov Asror hamda yordamchisi Qoraev Botir akalarning faoliyatini eslab o'tish joiz.
- Jamoaning Superligaga chiqishi uchun ichki imkoniyatlari qanday. Masalan shart-sharoitlar, moliyaviy ahvoli.
- Tajribali murabbiy, ustozimiz Sergey Kovshov qo'l ostida o'tadigan mashg'ulotlardan ko'nglimiz to'lyapti. SHart-sharoitimiz va moliyaviy ahvolimiz to'g'risida to'xtalganimizda Bosh homiymiz barcha zarur imkoniyatlarni yaratib bermoqda. Bu esa Superligaga chiqishimizda yuz foiz talabga javob beradi. Bizdan bir jamoa bo'lib, istak sari ozgina ter to'kib mashaqqatli mehnat qilish talab etiladi.
O'ylaymanki, klubimiz rahbariyatining oldimizga qo'ygan vazifasini va muxlislarimiz niyatini amalga oshiramiz.
“SHo'rtan” PFK matbuot bo'limi
Bosh sahifaga
4729