Unga ko'ra, PFL bosh direktori lavozimiga "Bunyodkor" klubi sport direktori Davron SHoqurbonov tayinlandi. Bu haqda bir necha kun oldin saytimizda xabar bergandik.
2017 yilning oktyabr oyidan boshlab ishlab kelgan Omon G'ofurov rahbarligi davrida chempionatda reglamentlar buzilishi avj oldi. Dastlab 2017 yilgi mavsumda Oliy liganing reglamenti buzib tashlanib, xattoki chempionatda 7-o'rinni olgan "Mashal" ham yangi Superligadan badarg'a qilingandi. Keyinchalik yangi rahbariyat tarafidan joriy qilingan 2018 yilgi Superliga reglamenti ham mavsum yakunida o'z kuchini yo'qotdi va 12talik chempionat bu yildan etiboran 14ta jamoa qatnashadigan chempionatga o'zgartirildi.
Yani, Omon G'ofurov boshchilik qilgan tashkilot o'tkazgan chempionat dastlab 16talik Oliy ligadan 12talik Superligaga, keyinchalik esa 14talik ishtirokchi qatnashadigan chempionatga o'zgartirildi. Yani, oxirgi 3 mavsum uch xil ko'rinishda o'tgan va reglamentlar buzib tashlangan chempionat sifatida tarixga kirdi.
Kuni kecha Vadim Abramov ham endilikda sobiq PFL rahbari davrida joriy qilingan g'alati qarorlardan biri, yani murabbiylar o'yin vaqtida kostyum-shim va galstukda bo'lishi kerakligini tanqid ostiga olib, buni murabbiylarning ustidan kulishga tenglashtirdi va endilikda bu mantiqsiz qaror futbol odamlari tomonidan bekor qilinishiga umid bog'ladi.
Breaking: PFLga yangi rahbar tayinlandi
/ Kiritdi: BestMaster O'qilgan: 676
Bosh sahifaga
367