2017 yilning ikkinchi qismidan boshlab "Paxtakor"ni o'z qo'liga olgan SHota Arveladze bugun jamoa boshqaruvidagi 73-uchrashuvini o'tkazadi. Bunga qadar gruziyalik mutaxassis "Paxtakor" rulida barcha musobaqalarda (Oliy liga/Superliga, O'zbekiston Kubogi, OCHL, Liga Kubogi) 72 o'yinda ishlashga ulgurdi. Arveladze "Paxtakor" bosh murabbiyi sifatida hozirga qadar 47 g'alaba, 13 durang va 12 mag'lubiyat qayd etgan. To'plar nisbati: 135-58.
Navoiyning "Qizilqum" bosh murabbiyi sifatida ishlab kelayotgan Hamidjon Aktamov uchun esa bugungi bahs 114-o'yin (Oliy liga/Superliga, O'zbekiston Kubogi, Liga Kubogi) bo'ladi. Navoiyliklar Aktamov boshqaruvida quyidagicha natijalar qayd etishgan: 38 g'alaba, 31 durang va 44 mag'lubiyat. To'plar nisbati: 136-157.
Qizig'i, Aktamov bosh murabbiyligida "Qizilqum" o'tkazilgan o'yinlarda g'alabadan ko'ra ko'proq mag'lubiyatga uchragan. Yani mag'lubiyatlar soni g'alabalardan ko'p.
Yana bir qiziq tarafi, SHota Arveladze "Paxtakor" rulida 72 o'yin o'tkazganiga qaramasdan, 2016 yildan buyon "Qizilqum"ga rasman bosh murabbiy etib tayinlangan Aktamov jamoasi 113 uchrashuvda urgan gollardan atiga bitta kam kiritgan.
Yani, "Qizilqum" Aktamov boshqaruvida 113 bahsda 136ta gol urgan bo'lsa, "Paxtakor" Arveladze qo'l ostida 72 uchrashuvda 135ta gol kiritishni uddalagan. Bugun mazkur ko'rsatkich bo'yicha Arveladze butkul ilgarilab ketish imkoniyatiga ega.
Qiziqarli fakt sifatida Hamidjon Aktamov SHota Arveladzedan O'zbekistonda birinchi bo'lib ochko olgan mutaxassis bo'lganini etirof etish mumkin. Lekin hozirgacha gruziyalik mutaxassis Aktamov jamoasiga yutqazmay kelmoqda.
Yana bir etiborga molik jihat shuki, so'nggi bor Oliy ligada ishlagan va hozirgi Superligaga o'zgartirilgan chempionat davomida istefoga chiqarilmagan murabbiylar ro'yxatida aynan Arveladze, Aktamov va "Nasaf" ustozi Ro'ziqul Berdiev qolganini aytish mumkin. Superligada ishlagan qolgan barcha mutaxassislar istefoga chiqib, jamoa o'zgartirishga ulgurishdi.
Bosh sahifaga
1751