Ushbu sahifada o'yinning matnli translyaciyasini kuzatib borish mumkin.
YANGILASH
O'yinning 2-daqiqasida mezbonlar burchak to'piga ega bo'lishdi, havodan uzatib berilgan to'pni SHohruh Abdurahmonov darvoza tomon noaniq tarzda yo'lladi.
Keyingi daqiqada Arslanmirat Amanovning kuchli zarbasini Botirali Ergashev katta qiyinchilik bilan qaytardi.
14-daqiqada Sardor Eminovning kuchli zarbasini Javohir Ilyosov qaytarib qoldi.
17-daqiqada mezbonlar vakili Damir Temirov to'p uchun kurashda qo'lini sindirib oldi va tez yordam mashinasida stadionni tark etdi. Unga sog'lik tilaymiz.
27-daqiqada "Lokomotiv" futbolchilari jarima to'piga ega bo'lishdi, Iskanderovning uzatgan to'pini himoyachilar qaytarishdi.
Keyingi hujumda Haydarov boshi bilan darvozaga aniq zarba yo'lladi, Botirali Ergashev ajoyib seyv namoyish etdi, hakamlar o'yindan tashqari holatni qayd etishdi.
33-daqiqada "Dinamo" vakili SHohruh Abdurahmonovning kuchli zarbasini Ilyosov ushlab oldi.
34-daqiqada Temurxo'ja Abduxoliqovning zarbasini Botirali Ergashev qaytardi.
36-daqiqada yana Abdurahmonovning kuchli zarbasini Ilyosov bir amallab qaytarishga erishdi.
42-daqiqada Sardorbek Eminovning yo'llagan zarbasi darvoza to'sini ustidan o'tib ketdi.
43-daqiqada Yovan Jokich jarima maydoni chizig'i yonidan kuchli zarba berdi, noaniq.
Keyingi hujumda Oleg Zoteev jarima maydoni ichidan darvozaga zarba berdi, Botirali Ergashev oyoqlari bilan to'pni qaytardi.
Birinchi taymda hisob ochilmadi.
Ikkinchi taym start oldi.
49-daqiqada Iskanderov uzatgan to'pni To'xtaxo'jaev boshi bilan darvozaga yo'lladi, noaniq.
59-daqiqada Mirkomil Loqaev birga bir vaziyatga chiqib bordi, Ilyosov to'pni qaytarishga erishdi.
61-daqiqada Abdurahmonovning to'p uzatishidan keyin Qadamboy Nurmetov jarima maydoni ichidan hisobni ochdi - 1:0.
64-daqiqada Arslanmirat Amanovning o'ng qanotdan oshirgan to'pini Temurxo'ja Abduxoliqov boshi bilan darvozaga yo'lladi - 1:1.
 Dinamo Qadamboy Nurmetov - 61' | Superliga. 12-tur 21/06/2019, 18:00 1 : 1 2-bo'lim |  Lokomotiv Temurxo’ja Abduxoliqov - 64' |
Bosh sahifaga
97