O'tgan yili yashnobodliklar Toshkent shahar chempionati ikkinchi ligasi va “Mustaqillik kubogi — 2018” musobaqalarida munosib qatnashdi.
Ayni chog'da “Yashnobod” jamoasi azolari “V” PRO liganing SHarqiy mintaqasi bahslarida ishtirok etmoqda. SHuningdek, jamoa o'rinbosarlaridan tashkil topgan “Yashnobod-2” vakillari Toshkent shahar chempionati 2-ligasida o'z omadini sinab ko'ryapti.
Etiborlisi, “Yashnobod” professional futbol klubi qoshida bolalar futbol maktabi tashkil etilgan bo'lib, unda beshta yosh (2012 yilda tug'ilganlar va undan katta yosh) guruhida yosh futbolchilar o'z mahoratlarini oshirishmoqda.
Tuman hokimligi va xomiylar tomonidan jamoani qo'llab-quvvatlash, yosh istedodlarni kashf etish uchun zarur choralar ko'rilayotganligi etiborlidir. Hozirda futbol klubi uchun tumanda ikkita (suniy qoplamali va tabiiy chimli) zamonaviy stadion barpo etish ishlari boshlangan.
O'z oldiga bir qator istiqbolli loyihalarni amalga oshirishni maqsad qilgan “Yashnobod” professional futbol klubi qoshidagi maktablarga “charm to'p” sirlarini o'rganish va o'z istedodlarini namoyish qilish uchun 2012 yilda tug'ilgan va undan katta yoshdagi bolalar va o'smirlar qabulini elon qiladi.
Murojaat uchun telefon — +998998984341.
Bolakaylar tug'ilganlik haqidagi guvohnoma va sog'ligi haqida shifokor ruxsatnomasi bilan ro'yxatga yoziladilar.
Hurmatli ota-onalar! Farzandlaringiz orasidan kelajakda Mirjalol Qosimov, Server Jeparov, Odil Ahmedov kabi futbol istedodlari izdoshlari chiqishini istasangiz shoshiling! Yosh guruhlari bo'yicha qabul o'rinlari cheklangan.
Bosh sahifaga
1784